Кога да и се јавите?

На некоја журка, или забава, не е важно, успеавте да го добиете бројот од мобилниот телефон на девојка која ве интересира. Тогаш настапува дилемата...

...кога да и се јавите? Кога да и закажете прв состанок?

Секако дека ви се допаѓа, сакате да ја видите што е можно побргу, но не сакате таа да ве одбие затоа што навалувате или пак да помисли дека сте нетрпелив пубертетлија. Можеби да почекате два-три дена? Дали можеби треба порано да ја побарате?

Верувале или не, но „првиот контакт“ можете да го воспоставите веќе по пет минути откако сте ја напуштиле забавата.... Тоа е најдобро да се направи со симпатична СМС порака, со која ќе проверите дали добро сте го запишале бројот, а кога ќе ви потврди дека е во ред бројот, можете да и посакате добра ноќ и убави сништа.

Верувајте една од работите кои жените најмногу ги мразат е чекањето мажот да се јави и претпоставувањето дали ќе се јави или не. Што повеќе се одолговлекува повикот, сè почудни идеи и паѓаат на ум за да го оправда изостанокот на повикот.

Мала напомена: првиот контакт треба да го остварите во присебна состојба, за да девојката не ве прогласи за кретен и да ја одбие понатамошната комуникација со вас. Значи, СМС за пет минути и веќе следниот ден повик во кој ќе ја прашате како е и дали може да се договорите да се видите.

Имате желба да и се јавувате неколку пати во текот на денот, само да и го чуете гласот? Освен ако не ви стави до знаење дека тоа и пречи, или пак поради работата е несоодветно, тогаш само напред!

Нема да делувате како манијак, напротив ќе помисли баш е слатко што постојано мислите на неа и ќе блеска од среќа покрај останатите девојки од опкружувањето додека на дисплејот од мобилниот стои вашето име.

Тие повици можат да бидат, ако ви одговара, ултракратки – смислете нешто...имам пауза од триесет секунди и ти се јавувам само да ти го чујам гласот...

Само внимателно – доколку забележите дека зачестеноста на вашите повици почнала да и пречи, проретчете ги повиците за да не ја иритирате, но заменете ги со СМС пораки кои може да ги прочита кога ќе и одговара.