Адвокат за разводи распали: „Девојките што очекуваат мажот да ја плати сметката на првиот состанок се нарцисоидни“

„Девојките што очекуваат мажот да ја плати сметката на првиот состанок се нарцисоидни, можете само да замислите како ќе го третираат партнерот во иднина“ – тврди овој адвокат за разводи. Што мислите вие, така ли е?

Обично се вели дека ако мажот ја плаќа сметката на првиот состанок девојката ќе може да дознае дали тој е џентлмен, а еден адвокат за разводи им препорачува на своите следбеници на социјалните мрежи да го направат тоа за да проверат дали девојката е нарцисоидна.

Џастин Ли од Торонто себеси се опишува како адвокатот што никогаш не сакате да го видите, затоа што негова специјалност се разводите, а според него уште на првиот состанок мажите може да забележат дали имаат работа со нарцисоидна девојка што ќе очекува дека некој треба постојано да плаќа за неа и да ѝ ги завршува сите обврски.

Тој на ТикТок покрена вистинска дебата откако го објави видеото во кое рече дека проблемот не е во малата сума пари што мажот ќе ја потроши на крајот на состанокот.

„Проблемот настанува кога плаќаме за некој што е нарцисоиден и постојано очекува дека некој друг треба да плати. Токму затоа мажите треба секогаш да плаќаат. Тоа е најдобар тест“ – вели Џастин.

Според него, ако девојката сосема ладно очекува мажот да плати по состанокот и не се противи, тоа говори многу за неа и за нејзиниот карактер.

„Така дознавате дека личноста со која сте излезени е нарцисоидна и очекува сосема непознати личности да плаќаат за неа. Можете само да замислите како таквата личност ќе го третира сопствениот партнер.

За многу мала цена од 20, 30 или 40 долари, дознавте дека пред вас седи личност што воопшто и не сака да одглуми дека сака да плати и затоа никогаш повеќе не треба да излезете со неа“ – појаснува адвокатот.

@jleejd The best litmus test #datingadvice #relationshipadvice #firstdateadvice #marriageadvice #lawyer #lawyersoftiktok ♬ original sound - Breakup Lawyer Justin

Ова видео предизвика вистинска дебата. Според некои жени, ако мажот се буни за сметка од 30 долари, тогаш не е финансиски стабилен и не треба да излегуваат со него.

„Секогаш сум подготвена да си ја платам сметката, но нема да излезам повторно со некого што очекува да му платам“, „Зошто жената би требало да плаќа ако тој ја поканил на состанок?“, „Нема ли да го навредам ако се обидам да ја платам сметката?...“

Ова се само дел од коментарите што ги оставија девојките под видеата.

Што мислите вие? Дали е логично мажите да плаќаат на првиот состанок или девојките што очекуваат тоа да биде така се нарцисоидни личности што очекуваат дека некој треба постојано да плаќа за нив?

Б. С. Б. | Црнобело