Правила за мирно раскинување

Мислите дека е најдобро секој да тргне по својот пат, но се плашите дека нема да соберете сила тоа да му го кажете на партнерот. Научете како...

...да раскинете на мирен и достоинствен начин.

Никој не вели дека нема да биде тешко и дека може да биде безболно, но можете да избегнете драма и да се обидете да не го повредите партнерот.

1. Погрешен начин да раскинете: СМС, мејл, Фејсбук. Користењето на технологии за да ја прекинете врската е студено, безлично, бесчувствително, првенствено затоа што другата страна не може да го види вашиот израз на лицето и да го слушне вашиот глас. Иако соопштувањето на лошите вести може да биде многу тешко, тоа секогаш треба да се направи очи во очи.

2. Наведете ја причината за раскинувањето. Никако немојте да го оставите партнерот без објаснување, па дури и ако се работи за кратка врска. Сконцентрирајте се на своите чувства и мирно обидете се да му објасните зошто не сте задоволни.

3. Дајте му до знаење дека навистина е готово. Многу луѓе премногу ги мачи реакцијата на другата личност, па ги оставаат работите недоречени и отворени. Зборувајќи како сакате раскинување со напомена дека вашите чувства би можеле да се сменат, на другата личност и праќате збунивачка порака.

4. Не го оговарајте бившиот партнер. Разговорот со пријателите за раскинувањето може да има терапевтско дејство и да биде од корист. Би требало да внимавате околу работите што ги прераскажувате затоа што деталите би можеле да дојдат до ушите на бившиот партнер, особено ако имате заеднички пријатели. Ако веќе сте раскинале нема потреба од дополнително навредување и озборување.

5. Без секс „за старите добри времиња“. Ако тоа се случи, значи дека помеѓу вас сè уште постојат нерешени чувства. Луѓето често го прават тоа за да дознаат дали работите се смениле, но кога ќе сфатат дека ситуацијата и понатаму е иста, по втор пат мора да поминуваат низ раскинувањето. Кој сака повторно да поминува низ таа ситуација?

Се согласувате ли со овие правила? Слободно дополнете ги овие правила со вашите предлози во коментарите.