Зошто бакнежот со партнерот треба да ви трае најмалку 10 секунди?

Во моментот кога нашите усни ќе се сретнат, се ослободуваат хемикалии кои пренесуваат пораки за интимна врска, па дури и еуфорија. Но, што навистина го прави бакнежот посебен? Според еден експерт, потребно е минимално време да поминете бакнувајќи го партнерот за да ја зацврстите вашата врска.

Има толку многу придобивки од бакнувањето, но според експертот за секс и врски, Челзи Рид, должината на бакнежот може да влијае на тоа колку се чувствувате поврзани со вашиот партнер.

Таа забележува дека претходните истражувања на институтот Готман покажале дека се потребни 6 секунди бакнување за да се доживеат хемиските реакции поврзани со приврзаноста и задоволството.

Челзи споделува:

„Пожелно е партнерите во релативно долги врски повторно да го почувствуваат она чувство на блискост, за кое мислеа дека исчезнало по неколку години врска, а сега знаеме еден од начините да го постигнеме тоа.

Бакнежот од 6 секунди е одличен почеток, но продолжете го бакнежот уште неколку секунди за да трае најмалку 10 секунди. Тоа покажува дека навистина сте посветени на партнерот и сакате да направите сè за него/неа.“

Погледнете го партнерот и бакнувајте го барем 10 секунди. Додека се бакнувате, може да биде корисно и да размислувате убави работи за вашиот партнер. Помислете на нешто за кое му се восхитувате кај него/неа или само размислете колку се грижите за таа личност.“

Зошто е важно бакнежот да трае 10 секунди?

Не само што продолжувањето на бакнежот на 10 секунди бара одреден степен на фокус и внимание, што се одлични работи за врската, туку Челзи забележува дека се работи и за правење активен избор да му се восхитувате на вашиот партнер, да ја изразите вашата љубов кон него/неа и желба да поминете интимни моменти со таа личност.

Бакнежот од 10 секунди е особено корисен кога се збогувате по разделбата, бидејќи ви помага емотивно да се усогласите.

„Тоа некако ја разбива тензијата и ве тера да заборавите на работата и другите обврски и да се фокусирате на своите и потребите на партнерот.“

M. Г. | Црнобело / фото: pixabay.com