„Работи кои посакувам да ги знаев порано за да имам подобар секс во животот“

Луѓето најмногу уживаат во сексот на возраст од 35 до 44 години, но кои се причините поради кои не уживаат порано?

Кога станува збор за сексот, многу работи ги учиме малку доцна во животот и потоа си велиме како не сме знаеле за ова порано за да уживаме не само во добар секс, туку во одличен секс.

Едно истражување направено во Велика Британија од компанијата за секс играчки „Lovehoney“ откри дека луѓето најмногу уживаат во сексот на возраст од 35 до 44 години.

Тие велат дека би уживале порано, ако знаеле некои работи за сексот порано.

Кои се нивните одговори на прашањето „Работи кои посакував да ги знам порано за да имав подобар секс во животот?“

Најчестите одговори на испитаниците се:

Важноста на комуникацијата

Позитивната комуникација пред сексот води до поголемо уживање, а и соодветната комуникација по сексот води до подобрување на искуството наредниот пат.

Како да се чувствувате секси во своја кожа

Ова особено важи за жените и самодовербата во креветот е клучна за да успеете да дојдете до оргазам.

Не мора да си вршите притисок да излегувате надвор од комфорната зона

Тоа може да креира пријатно искуство за партнерот, но непријатно за вас. Не чувствувајте притисок дека мора да ги задоволите неговите фантазии.

Никогаш не се срамете од тоа што ви причинува задоволство

Сосема е во ред да имате некои свои фантазии и да ги споделите со партнерот. Се разбира, ќе бидат исполнети само доколку и на партнерот му е пријатно.

Во ред е да кажете „не“

Не треба да се срамите ако дадете негативен одговор на некој предлог од партнерот или ако одбиете секс со него.

Во ред е да експериментирате со секс играчки

Сè што ви се допаѓа вам и на партнерот е во ред како начин за зачинување на сексуалниот чин.

Оргазмот не треба да биде целта на сексот

Притисокот да дојдете до врвот, ве оддалечува од него. Сексот е патување, а не дестинација.

С. С. | Црнобело