„Мојот партнер очекува јас да правам сè за него, како да сум му слугинка - не можам повеќе“

„Секое негово оправдување е: ‘Тоа е женска работа’. Постојано јас купувам работи за во домаќинството, а тој ми вели дека жената треба да се грижи за мажот во секој поглед.“

32-годишна жена се исповеда за својот проблем со партнерот за магазинот TheSun.

Таа ја опишува ситуацијата:

„Имам голем проблем со мојот партнер.

Вели дека јас треба да плаќам за вечерите и за излегувањата затоа што сум заработувала повеќе од него. Но, не е само за парите, навистина ми оди на нерви.

Очекува јас да готвам и чистам и ме третира како слугинка.

Секое негово оправдување е: „Тоа е женска работа“.

Постојано јас купувам работи за во домаќинството, а тој ми вели дека така треба да биде и дека жената треба да се грижи за мажот во секој поглед.“

Одговорот од експертот за врски на TheSun, гласи:

„Да, твојот партнер навистина не знае што значи рамноправна врска. Можеби дома имал таков лош пример од родителите.

Но, тоа не е твој проблем. Ако тоа не е тоа што го сакаш за себе, време е за крај на врската.

Ти самата го нарекуваш ужасен, па треба да се освестиш и да сфатиш дека оваа врска нема иднина, освен да се измачуваш со него до крајот на животот.

Тој нема да се промени.“

С. С. | Црнобело