Слоеви гардероба - безброј комбинации

Зимата е време кога можеме да ја покажеме нашата умешност за комбинирање на различна облека, материјали, дезени, бои... Сега е вистинско...

...време за вежбање на облекување во слоеви.

Еве како да го покажете омилениот летен фустан, во средината на декември во потполно ново издание.

Подобро грее во повеќе слоеви
Повеќе тенки слоеви подобро ќе ве греат, а ќе изгледате и поинтересно. Подолгата облека, односно слој, се носи под пократката - на пример, долга кошула, па врз неа кратка блуза, па врз неа уште пократка јакна.

Забава со бои
Добро забавувајте се комбинирајќи ги дезените, материјалите и боите – најдобар начин да добиете интересна комбинација е со помош на контрасти. Само храбро!

Мислете креативно
Излезете од стандардните рамки – комбинирајте го и она што ви се чини невозможен спој. Наместо блуза, преку фустанот облечете памучна кошула.

Ременот ја решава работата
Ако мислите дека поради одбраната комбинација сте ја изгубиле силуетата - ставете ремен кој ќе ви го врати струкот.

Макси
Како што ова лето беа популарни макси фустани и здолништа, така оваа зима актуелни се долги, макси џемпери. На сето тоа, по потреба, облечете и кратка јакна.

Кожа и волна
Комбинација на кожа и трикотажа е една од најпопуларните оваа сезона. Кој вели дека џемперите не одат со кратка кожна јакна? Направете комбинација од една или неколку слични бои - облечете ги од посветла кон потемна или обратно.