Топло, а елегантно: 9 практични совети за комбинирање зимска облека

Дебелите зимски чорапи се лош избор ако постојано ви студи, а истото важи и за фармерките. Па, како да се облечете за да ви биде топло, а истовремено да изгледате елегантно и со стил?

Дали сте од оние луѓе на кои секогаш им студи, па не размислуваат што ќе облечат само за да им биде топло? Многу луѓе често грешат при изборот на материјалите или дезените, но и парчињата облека што ги избираат.

Уште и ако се облечете во слоеви, веројатноста дека ќе направите грешка е многу голема.

Па, како да ја комбинирате зимската гардероба, да ви е топло, а сепак да изгледате елегантно?

Прочитајте ги овие практични совети:

Фармерките не се најдобар избор за студено време

Иако се практични, фармерките нема да ве стоплат, особено кога температурата ќе падне под нулата.

Дури и да облечете хулахопки.

Наместо тоа, изберете панталони од волна или твид.

Јакна со синтетичко полнење е подобра опција од јакна од природни материјали

Јакната која е од природни материјали ќе ве стопли.

Но, ако ненадејно ве фати дожд или снег, природниот материјал ќе ја пропушти водата, а тоа не се случува со синтетичките материјали кои се поиздржливи и најчесто не пропуштаат вода.

Дебелите чорапи нема да ве стоплат

Ако чорапите се премногу дебели, вашите стапала ќе се изладат побрзо.

Наместо еден пар дебели чорапи, подобро е да облечете два пара тенки чорапи.

А, доколку се решите за 2 пара чорапи, прво облечете синтетички чорапи, бидејќи тие побрзо ќе се исушат ако ви се испотат стапалата.

Тесната облека нема да ве загрее повеќе од широката

Некои луѓе мислат дека колку е потесна облеката (а со тоа и позалепена до нивното тело), толку ќе им биде потопло.

Мора да има малку воздух помеѓу материјалот и кожата.

Телото постојано произведува топлина и го загрева воздухот, а за да не ни студи, овој топол воздух мора слободно да циркулира под облеката.

Продолжува на следната страница...