10 модни трикови за деновите кога не знаете што да носите

Ако наутро или пред вечерно излегување се чувствувате мрзеливо, тогаш обидете се да се придржувате до една боја. Облекувањето во една боја „од глава до пети“ е лесно, а просторот за грешка е минимален.

Има денови кога се будиме свежи и полни со енергија да го започнеме денот. Притоа, со задоволство избираме облека и сакаме да го покажеме нашиот личен стил.

Но, има и такви денови кога станувањето од кревет е тешко, а сè што можеме е да избереме пар панталони и блуза…

Ако почесто влегувате во втората категорија личности, тогаш сигурно ви е тешко да постигнете стилски впечатлив изглед. Но, според експертите, тоа не треба да биде толку комплицирано, зашто тие имаат неколку клучни совети за „мрзливите девојки“.

10 совети кои ќе ви дадат инспирација како да ја комбинирате облеката кога немате ниту енергија, ниту инспирација.

Монохроматски изглед

Ако наутро или пред вечерно излегување се чувствувате мрзеливо, тогаш обидете се да се придржувате до една боја. Облекувањето еднобојно „од глава до пети“ е лесно, а просторот за грешки е многу мал.

Ако се одлучите за ваква комбинација на облека, користете модни додатоци, како марама околу вратот, обетки и слично.

Изберете палета на бои

Ако поголем дел од времето сте мрзеливи при изборот на облека во утринските часови, тогаш за да си олеснете, препорачливо е да имате 80% од облеката во специфичен опсег на бои. На пример: црно, бело и сиво, или кафеава, крем или бела боја.

Исто така, обидете се да комбинирате само три бои: две неутрални и една боја на која ќе ѝ дадете акцент. Изберете една темна неутрална, една светла неутрална и една повпечатлива.

Погрижете се да имате квалитетна облека

Ова ќе бара малку планирање, но кога веќе ќе ги имате парчињата облека, понатаму ќе ви биде полесно.

Одвојте време (и пари) да инвестирате во квалитетни парчиња облека, па ќе видите дека многу полесно ќе ги комбинирате.

Основната облека нека ви биде квалитетна, па можете да си дозволете да бидете и мрзеливи.

Чевли во боја на кожа

За добар изглед кој не бара многу труд, препорачливо е да имате пар чевли во боја на кожа. Тие се модерни и одговараат речиси со сè. Имајте неколку рамни чевли, потпетици или мокасини.

Чувајте ги напред во плакарот така што секогаш ќе ви бидат на дофат во „мрзливите денови“.

Едноделна облека

Што може да биде поедноставно од тоа наутро да треба да изберете само еден дел облека? Кога имате една сигурна опција, може да изгледате модерно дури и ако се чувствувате мрзеливо.

Пополнете го вашиот плакар со фустани во различни стилови, дезени и принтови, а истото може да го направите и со комбинезоните.

Продолжува на следната страница...