Златко Јовановски за новата колекција: „Сошивме венчаница со 38.000 рачно везени кристали за 11 дена“

„Горд сум на нашето ремек-дело, венчаницата со која се надминавме себеси - работевме 5 луѓе, на неа се ставени 22.000 кристали, 16.000 помали кристали и безброј бисери и мониста. Сите се рачно шиени, еден по еден во тек на 11 дена, а кога само еден човек би ја работел, би потрошил околу 440 часа“, вели нашиот дизајнер.

Модниот дизајнер Златко Јовановски и официјално ја претстави својата нова колекција Pure, која е составена претежно од венчаници, но и по некој свечен фустан.

Колекцијата беше првично промовирана во ноември 2023, на Саемот за венчаници во Измир, кој е еден од најголемите од овој тип во светот.

Колекцијата од 10 парчиња вклучува венчаници и фустани за специјални пригоди, а сите креации се надополнети со вез од мониста, стакла, бисери и камења.

За својата нова колекција, Златко вели:

„Јас како дизајнер сум посебно горд на нашето ремек-дело, венчаницата која што е направена со посебно внимание и ја направивме само за да се надминеме себеси и сè она што досега го имаме направено.

На таа венчаница работевме 5 луѓе, на истата се ставени 22.000 кристали, 16.000 помали кристали и безброј бисери и мониста. Сите овие детали се рачно шиени, еден по еден.

Вкупно потрошивме 11 работни дена, односно кога само еден човек би ја работел оваа венчаница би потрошил околу 440 часа. Венчаницата е долга 3 метри, широка е 5 и пол метри и тежи 18 килограми.

Самата фотосесија ја визуелизирав како чиста и темна позадина за да дојдат во примарен план креациите и деталите. За да биде магијата потполна, знаев дека сакам заштитно лице на колекцијата да биде Ориола Мараши, една од најуспешните модели во светот, која воедно и е заштитно лице на брендот Guess.

Преку наши заеднички пријатели дојдов до контакт со неа и морам да кажам дека договарањето и организацијата беа многу брзи и професионални. А јас сум презадоволен од крајниот резултат.“

Повеќе фотографии од колекцијата погледнете во галеријата:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

А. Ј. | Црнобело