Девојка од Скопје со впечатлив моден стил - обожава црвен кармин и смели комбинации (фото)

„Еден период купував само блузони, потоа само деловни комбинации, а последнава година опсесија ми се шарените фустани, дигресија на правилото дека доколку си плус-сајз треба да носиш само црна облека“, вели Јасминка Петрова од Скопје.

Јасминка Петрова, по професија е дипломиран правник, но моментално не работи според струката, сепак ја обожава својата работа, каде предноста е што работи со млади луѓе и тоа за неа е бесценето.

Јасминка по природа е дружељубива и комуникативна личност, со широка насмевка и впечатлив моден стил.

Таа во слободно време го доусовршува грчкиот јазик, којшто ѝ е омилен, поради единствениот град на светот каде што би сакала да живее - Солун.

За нејзиниот моден стил таа споделува за CRNOBELO.com:

„Опседната сум со купување и комбинирање на разни комбинации за различни пригоди. Понекогаш мислам дека мојата опседнатост е преголема, но желбата да се биде уникатен е пред сè.

Се водам според мотото дека е подобро да задоцнам, отколку да се појавам навреме несредена.

Интересно е како, иако многу ретко се случува да излезам без шминка од дома, токму тогаш штом излезам од влез има список на лица кои не би сакала да ги сретнам во такво издание, но задолжително се појавуваат пред мене.

Инаку, обожавам да патувам, но пакувањето за патувања ми е посебна приказна. Легендата вели дека некогаш ќе успеам да се спакувам во еден рачен багаж.

Омилен град ми е Рим и омилена земја Италија. Имам среќа почесто да ја посетувам поради тоа што дел од моето семејство живее во Милано.

Секое мое патување е посебна модна приказна, каде сакам да имам различна комбинација за секој ден, за секоја пригода, и сето тоа да го доловам преку убава фотографија, бидејќи мојата мајка често велеше дека фотографиите се спомен којшто останува засекогаш и треба да се внимава какви фотографии се објавуваат.

Омилен дел од патувањата ми се погледите од прекрасните руфтоп барови, додека во едната рака го држам моето омилено кафе, а тоа се гледа и од моите фотографии.

Исто така, неизоставен дел од секое патување ми е шопингот, во којшто исклучиво уживам додека сум сама.

Продолжува на следната страница...