8 грешки со кои си ја уништувате есенската и зимската облека

Ставате премногу омекнувач и не ги носите палатата на хемиско, туку ги перете во машина за облека.

За разлика од едноставните памучни парчиња кои ни се најчестиот избор во топлите денови, на зимската облека треба да ѝ обрнеме повеќе внимание.

Дебелите џемпери, волнените капути и меките јакни обично бараат повеќе нега.

Во продолжение, најчестите грешки со кои несвесно ги уништувате:

Користите многу омекнувач

Постои причина зошто на амбалажата од омекнувачот пишува колкаво количество треба да ставите.

Ако ставате многу омекнувач, особено директно во барабанот на машината, тој може да не се исплакне добро и да ви предизвика иритација на кожата, а и со текот на времето да ја уништи облеката.

Исто така, поради отежнатото плакнење, омекнувачот може да почне да се акумулира и во машината за перење.

Па, секогаш следете ги инструкциите на амбалажата.

Не ја носите облеката на хемиско чистење

Ако на етикетата на облеката е наведено дека треба да се однесе на хемиско чистење, немојте да ризикувате да ја ставите во машина.

Ова најмногу важи за капути и јакни кои лесно можат да се оштетат во машината.

Ја перете облеката премногу често

Во лето, нормално е да ја перете облеката по секое носење.

Но, во зима, кога не се потиме, не мора да ги перете џемперите, фармерките и сличните парчиња облека по секое носење.

Облеката, како џемпер, под која обично носиме маичка или боди, може да ја перете по 3-4 носења.

Ги отстранувате топчињата од облеката со жилет

Можеби сте го виделе трикот дека топчињата кои се формираат на облеката се отстрануваат со жилет.

Овој трик не е секогаш ефикасен, а и жилетот може да ја оштети ткаенината.

Подобро е да си купите машинка за отстранување топчиња која е достапна и кај нас во подобро опремените продавници за бела техника.

Продолжува на следната страница...