6 начини да комбинирате ремен со облеката и секогаш да бидете со стил

Џемпер-фустан, панталони со висок струк, фармерки и плетен џемпер - сите овие парчиња облека се комбинираат одлично со ремен. Кои други комбинации можете да ги направите?

Колку што има жени кои никогаш не би ставиле ремен на себе, толку има и жени кои не можат да ги замислат своите модни комбинации без него.

Понекогаш ременот ни служи само за да ни ги „задржи“ панталоните/фармерките од паѓање, но многу често е моден додаток кој му дава поинаков шарм и изглед на целиот аутфит.

Ако сте и вие меѓу оние дами кои не обожаваат ремени, можеби овие предлози како да ги комбинирате ремените со облеката ќе ви бидат модна инспирација:

Ремен на панталони/фармерки со висок струк

Без оглед дали имате совршена градба, тело во вид на песочен часовник или вишок килограми, секогаш кога носите панталони или фармерки со висок струк, ставете ја кошулата/блузата во нив и врзете ремен.

Џемпер-фустан

Долгиот џемпер-фустан е одлично стилско парче, кое никогаш не излегува од мода.

Но, наместо само да го облечете и да мислите дека сте спремни да излезете од дома, украсете го со ремен - веднаш ќе ја забележите разликата.

Зимски капут

Многу модели на зимски капути имаат само копчиња и паѓаат слободно покрај телото.

Но, ако ставите ремен во истата боја (или изберете капут со ремен), тоа ќе ја нагласи вашата половина.

Монохроматски комбинации

Кога ќе се решите да се облечете во една боја од „глава до петици“, тогаш едноставниот, монохроматски изглед ќе го направите поелегантен и повпечатлив ако ставите ремен (дури и да е во истата боја).

Џемпер и панталони/фармерки

Кога ќе решите да комбинирате плетен зимски џемпер со панталони или фармерки наместо да ви е џемперот одозгора, ставете го внатре во панталоните, а потоа „украсете“ го со ремен.

Пончо

И пончото не мора да биде „обично“ - ако го врзете со ремен и ја нагласите половината, тој ќе испрати сосема поинаква модна порака - дека сте дама со стил.

А. Ј. | Црнобело