Мажите „паѓаат“ на црвен кармин

Дали да вложите во пар високи штикли, или во нов Шанел црвен кармин? Ако треба да одберете само една од овие две ставки, истражувањето покажало...

...дека црвените усни се подобрата опција.

Момците откриваат дека розевите или црвените усни се попривлечни од најсексапилните чевли со високи потпетици.

Во неодамнешните истражувања на сајтот match.com на повеќе од 24.000 мажи и жени, 88% испитаници рекле дека насмевката на оној со кого излегле им оставила најголем впечаток на првиот состанок, а само 12% ги одбрале чевлите.

Додајте малку црвенило на насмевката и вашата привлечност ќе се истакне уште повеќе, според студијата на Универзитетот во Манчестер.

Истражувачите го следеле движењето на очите на 50 мажи и откриле дека за време од 10 секунди, откако сретнале жена за прв пат, просечниот маж троши половина од своето време гледајќи ја жената во уста.

Ако таа има кармин, ќе му биде уште потешко да го сврти погледот: малку розева боја може да го задржи неговото внимание 6,7 секунди, додека црвената боја го држи насочен кон усните 7,3 секунди.

Според студијата, пополните усни, генерално гледано, имаат предност, иако привлечноста на жената со потенки усни пораснала за 40% ако на нив има кармин. Ако дамите биле без кармин, мажите се умориле од гледањето на усните веќе по 2,2 секунди. Значи, без разлика на типот на вашите усни, се исплати да се стави малку боја кога се оди на состанок.