Зелените нијанси се пролетен хит – како да ги комбинирате со други бои?

Монохроматскиот зелен аутфит со неколку нијанси на зелена делува отмено, додека зелената како трева во комбинација со нежно жолта изгледа мошне свежо.

Оваа пролет, зелената боја е меѓу најголемите модни хитови. Притоа, популарни се апсолутни сите нијанси – од богатата темна, до нежната пастелна зелена.

Сепак, иако има многу нијанси на зелена, може да биде тешко да одредите со кои бои да ја комбинирате.

Неколку предлози со кои нема да погрешите:

Зелена и жолта

Ова е комбинација на бои што веднаш асоцира на пролет. Зелената како трева и нежната жолта делуваат ведро и свежо.

Ако сакате пософистициран изглед, тогаш вметнете и понеутрално парче, како тексас или, пак, облеката нека биде со поедноставни кроеви.

Зелена и сина

Ова е можеби една од најхармоничните комбинации.

Двете бои се блиску на спектарот, па иако можат да бидат повпечатливи, сепак комбинацијата не делува нападно.

Маслинестата зелена, но и подречливата одлично ќе изгледаат со класина сина, особено за секојдневни комбинации.

Продолжува на следната страница...