5 најважни правила за летна нега

Дознајте кои козметички ритуали треба да ги усовршите во секојдневната нега за да ги избегнете најчестите проблеми со кожата и косата во текот на летото.

Вратете и ја влагата на кожата

Неопходната влажност на кожата ќе и ја врати маслото или млекото за тело со витамин Е или алое вера. Огрубената кожа на лактите и колената повторно ќе биде мазна ако редовно правите механички пилинг.

Спречете го перутањето

На високи температури кожата на лицето е изложена на разни иритации, па не ретко се јавуваат алергиски реакции, перутање или црвенило. Поради тоа, пред да излезете на сонце користете креми кои што содржат каротен и витамин Е, а ако кожата на лицето ви е премногу сува, пијте повеќе вода.

Затегнете ги нозете

Убави и затегнати нозе се сон на секоја жена, па пред да влезете во бикини, издепилирајте ги нозете и секојдневно мачкајте ги со специјални препарати за затегнување на кожата. Ако уште нанесете и лосион за самопотемнување, вашите нозе ќе изгледаат беспрекорно.

Средете ги стапалата

И на крајот немојте да заборавите на стапалата кои долго време биле во затворени обувки. По секое туширање истријте ги петиците со специјален камен, а потоа на стапалата нанесете подебел слој хидратантна крема и облечете памучни чорапи.

Сочувајте го сјајот на косата

Бојадисаната коса е поподложна на оштетувања кои ги предизвикуваат сончевите зраци, па затоа во текот на летото користете шампони и балсами за бојадисана коса кои ја чуваат бојата.