Есенски комбинации со летни парчиња облека

Доколку не сте љубител на есента и ви недостасува уште малку време да го поносите омиленото летно парче облека - не грижете се. Одбравме четири универзални парчиња кои секоја девојка ужива во нив и ги прилагодивме за малку постудени денови.

Цветен фустан – Речиси најлесното летно парче за трансформација. Само додадете едноставен џемпер на копчиња, темни чизми до глужд, мала чанта и минималистички накит. Ќе добиете сосема нов есенски изглед, додека истовремено уживате во омилениот летен фустан.

Макси здолниште – Светлите бои остануваат во тренд и за постудените денови, така што розевото или синото макси здолниште без никаков проблем можете да го износите. Со комбинација на обична маица, сако или кратка јакна во неутрални бои и едноставни чизми ќе блеснете во необична, тренди комбинација.

Свилен топ – Лесниот топ или кошула која што ја износевте со омилениот пар шорцеви можете да го искористите за вечерни излегувања. Со тесни фармерки, високи потпетици и многу накит ќе создадете изглед кој нема да остане незабележан.

Кратки тексас шорцеви – Кој рече дека мора да се откажете од нив кога ќе залади? Откријте ги нозете со кратки шорцеви, а со горниот дел експериментирајте – обична маица со кратка јакна во боја или црна маица и шарено сако. Додадете високи потпетици, марама и голема чанта и веќе сте ја направиле најголемата трансформација на тексасот шорцеви.