Идеални, практични фризури за студените денови

За деновите кога треба да се затоплите, а се уште да изгледате уредно и модерно испробајте едноставни фризури кои нема да изгледаат неуредно, без оглед на силниот ветер или дожд.

Најважно е да користете производи за нега на косата кои ќе го спречат разлетувањето или електризирањето.

Откако ќе направите фризура не заборавајте да ја зацврснете косата со малку спреј и да ја одржите идеалната форма.

Испробајте ги разбушавените плетенки кои се уште се во мода. Се прават за помалку од 5 минути, а изгледаат интересно во комбинација со широко, плетено капче.

Одберете ниска и разбушавена плетенка за утринското кафе или пак за вечерните опуштени прошетки.

Уште една совршена фризура која може да ја направите за неколку минути се високите, разбушавени пунџи. Може да ги направите во секое време – на секое место. Обичното коњско опавче разбушавете го и замотајте го во 2-3 круга околу ластикот. Зацврснете со неколку ситни шноли.

Доколку сте љубител на пуштена коса, носете ја брановидна. Рамната и пеглана коса многу полесно ја губи својата првобитна форма, додека брановидната изгледа несовршено уредна. Одличен избор за секојдневните утрински обврски.

Додадете малку волумен на косата и поткренете ја со тапирање. Разбушавете, а потоа направете високо коњско опавче. Местото каде што ќе го ставите ластичето замотајте го со мала плетенка од еден прамен. Со овој вид на фризура ќе постигнете подраматичен изглед кој е одличен избор за зимските вечерни излегувања.