Секси идеи за сите нијанси на руса коса

Блондинките вложуваат многу труд за да делуваат уредно - кога станува збор за косата. На располагање имаат многу нијанси, а ние ви ги преставуваме најсексапилните.

Бебешка руса коса

Ако ја сакате оваа нијанса подгответе се на обврска. Имено, познатиот стилист Ким Во вели дека израстокот треба да се фарба секои три седмици. Со оглед на тоа дека избелувањето ја оштетува косата, Ким советува дека косата треба да биде кратка и почесто да се потстрижува.

Топла нијанса

Трикот е во тоа  да се одбере нијанса која на лицето ќе му даде топлина. Ако сакате ваков тон, помеѓу посетите на фризерот, нанесете светол прелив на косата за да ги пополните местата од кои бојата веќе се измила.

Боја на путер

Бојата на коренот мора да одговара на бојата на вашите очи. Размислете и за прамени со боја на карамела кои ќе ги нагласат вашите очи.

Нијанса на песок

Убаво испланирани прамени на студена и топла руса коса се одличен начин да добиете длабочина на косата. Оваа е најблагодарната нијанса бидејќи може да се прилагоди со годините. Во зима носете повеќе темни прамени, а во лето студени, за контраст со топлата боја на кожата.

Измиена руса коса

Израстокот на косата на Жизел Буншен не е резултат од бојадисување на краевите, туку од потемнувањето на коренот. Ова е одлично за жените на кои што веднаш им се гледа израстокот.

Природна русо - кафена

Коса каква што има Тејлор Свифт во моментов е најбараната нијанса за сина. Изгледа најприродно и најтешко е да се постигне со бојадисување. Тоа е руса, речиси кафена нијанса и само најдобрите фризери можат да ја погодат. Многумина ќе сметаат дека сте бринета, бидејќи ова е најтемната нијанса на блондинките.