5 фризури кои ќе ви ја олеснат работната недела

Како и секоја останата деловна девојка и жена, сигурно и вас ви е смачено секојдневното миење на косата, со кое повеќе ја оштетувате отколку што изгледате уредно.

5 дена се долг период без да ја измиете вашата коса, но за среќа сега има голем број препарати за нејзино освежување.

Плус, одлична помош ќе ви бидат овие 5 фризури за кои не се потребни повеќе од неколку минути наутро за да изгледате дотерано за во канцеларија.

Понеделник - Чиста и испеглана коса. Доволно е добро да ја израмните и исчешлате.

Вторник - Помогнете си со сув шампон доколку имате потреба. Пропрскајте и разбушавете. По желба можете да ја префрлите косата на една страна.

Среда - Последниот ден кога можете да ја носите косата пуштена, па затоа искористете неколку шноли и од само еден прамен направете интересен додаток.

Четврток - Плетенката е секогаш идеален избор и совршен спас за нечистата коса. Обликот и висината е по ваша желба.

Петок - Последниот ден, целосно соберете ја косата. Претходно пропрскајте малку сув шампон, па со помош на едно ластиче и неколку шноли направете висока пунџа. Разлетаните влакна средете ги со малку спреј за коса.