Слабите манекенки се демоде

Слабо тело на кое се познаваат коските насекаде, на кое рацете и нозете се тенки како стапчиња а лицето испиено повеќе не се во мода, тврди Александра Шулман...

 


...уредничка на британското издание на магазинот "Vogue" во протестирачкото писмото упатено до модните креатори.

Шулманова бара да се прекине со дизјанирање на "облека која има бр. 0" и открива дека модните магазини почнале со користење на фотошоп, со цел манекенките да изгледаат подебелки.

"Ретуширањето на фотографиите опфаќа поплнување на образи, додавање на мускули, заоблување на рацете, нозете, стомакот... така што манекенките веќе не би личеле на шпагети", пишува иритирачки уредничката на Вог.

"Слабите девојки повеќе на никому не му се допаѓаат", додава таа, придружувајќи им се на здруженијата кои со години водат битки против анорексијата.

Нејзиното писмо упатено го големите модни куќи и креатори како што се Галијано и Прада, не е наменето за јавноста, но сепак дел од ова писмо стигна до светските медиуми.

"Облеката која ни ја испраќаат модните куќи е се помала. Дојдовме до момент кога ни најслабите манекенки не можат да ја облечат, дури ни Кејт Мос", предупредува Шулманова.