Што ве прави непривлечни

shto-ve-pravi-neprivlecni-povekje Оваа листа ги надополнува основните како грицкање нокти и постојано превртување прамени коса меѓу прстите. Внимавајте на следните пет грешки во..

...однесувањето што ќе го намалат вашиот шарм, без разлика колку мислите дека сте привлечни.

	Балончиња Звукот на мљацкање со мастиката, како и неподносливото пукање балончиња ќе ги изнервира колегите на работа, таксистот, па и партнерот.
	Муртење Нема ништо поубаво од насмевка, па не е тешко да се сфати дека нема ништо понепривлечно од намуртен лик. Насмевнете се и животот ќе ви се насмевне вам. Расположението е заразно, па за кусо време ќе забележите колку поотворени се момците/девојките со вас.
	Огледалце, огледалце... Ако пречесто се погледнувате во огледала, излози, ретровизори и било која рефлектирачка површина за да проверите дали сте најубави на светот, верувајте - ќе изгубите дел од убавината. За жените истото важи и со шминкањето во јавност - ако сте во кафуле не ставајте кармин на маса, одете до wc!
	Зборување за своите маани Исто како што нервира честото загледување во огледало, така нервира и постојаното критикување на своето тело. Ако зборувате дека надлактиците ви се виснати, дека задникот ви е преголем или дека имате криви нозе, само ќе привлечете внимание на неомилените делови од телото. Почнете да вежбате наместо само да се жалите и во секој случај престанете да ја збунувате околината со ваквите испади на непотребна искреност.
	Пцуење Едно е кажување мрсен виц пред блиските пријатели, а сосема друго е пцуењето како кочијаш пред колегите од работа или додека чекате ред за на концерт или театар. Избегнете го ова, освен ако не уживате да оставате некултурен впечаток.