5 знаци кои јасно ви кажуваат дека носите погрешни чевли

Чевлите кои добро изгледаат, но едноставно не му одговараат на вашето стапало, може да се сериозна закана по здравјето и стабилното движење, а сепак многу луѓе не обрнуваат внимание.

Ретко кој знае дали носи вистински или погрешни чевли, а за тоа доказ е истражувањето кое докажа дека 90% од жените носат претесни чевли.

Како да препознаете дека на нозете не носите соодветен пар чевли?

1. Го носите истиот број од средно

Во текот на години стапалата се спуштаат и се шират. Затоа како што старееме потребно е постепено да го зголемуваме бројот кој го носиме.

2. Прстите ви го допираат врвот од чевлите

Потребно е да имате барем неколку милиметри простор меѓу прстите и врвот на чевлите. Мора слободно да можете ги мрдате прстите.

3. Имате плускавци и подраснати нокти

Овие повреди значат дека чевлите ви го иритираат стапалото на местата каде што се појавуваат. Притисокот кој чевлите го прават може да ја стврдне кожата, па најчесто тоа резултира со плускавци или мртво месо. Уште при првите симптоми треба да побарате нов пар штикли или патики, затоа што овие воспаленија лесно се прошируваат и стануваат хронични.

4. На крајот од денот имате неподнослива болка во нозете

Ако чевлите ви се големи и не им овозможуваат потпора на стапалата или пак ви се претесни и нозете ви се стиснати во нив, како мислите да не чувствувате болка. Големите чевли се подеднакво штетни, затоа што нозете го скратуваат секој чекор и го грчат секој мускул со напор чевлата да остане на ногата и да не се лизне. Посебно внимавајте на ова.

5. Износени патики

Треба да знаете дека патиките имаат рок на траење. Ако одите по 15-тина километри неделно, тогаш патиките мора да ги менувате на 9 до 12 месеци. Ако одите повеќе од 15 километри неделно, тогаш тие се износени по само 4 до 6 месеци. Прв знак по кој ќе го забележите тоа е навалувањето на стапалото на една страна.

М. Д. | Црнобело