Како да откриете дали Ray-Ban очилата се оригинал или копија?

Речиси и да нема човек кој нема барем едни Ray-Ban очила на располагање. А, сосема логично, на толкавата побарувачка, постојат и милионски копии и варијанти на овие очила.

Како да откриете дали купувате вистински, квалитетни очила или ве залажуваат со копија по цена на оригинал?

Важно е да знаете:

1. Кутијата мора да го има логото. Внимавајте на логото и фонтот, мора да се совпаѓа со логото на официјалната страна.

2. Кутијата исто така мора да има лепенка со баркод на која ги пишува основните информации, како и од што материјал се направени стаклата и рамките.

3. Оригиналните очила секогаш доаѓаат со црна или кафеава заштитна кутија со логото испечатено на предната страна. Во кутијата треба да има црн или црвен материјал за чистење.

4. На левата рачка од очилата треба да има информации за моделот и големината.

5. Лепенката на оригиналните стакла исто така е задолжителна.

6. На левото стакло треба да најдете изгравирани букви Р и Б, на левата страна до преклопот каде почнува рачката.

7. Логото кое се наоѓа на десното стакло не смее да биде лепенка или лесно да се гребе, туку да е како дел од самото стакло.

8. Лого има и на силиконските потпори за носот.

М. Д. | Црнобело