Пицакини: Првите бикини со вкус на пица, чинат дури 10.000 долари

Ви претставуваме една несекојдневно скапа пица, која веројатно не би посакале да ја изедете. А, да ја носите на себе на плажа?!

Што се случува кога ќе направите микс од мода и гастрономија? Храна која се носи, или, пак, облека која се јаде.

Во чест на националниот Ден на бикините, ланецот ресторани „Villa Italian Kitchen“ ја претстави необичната креација „Pizza-Kini", дело на стилистката Џеси Барден. 

За што точно станува збор?

Дводелниот костим за капење е во целост направен од пица. Креиран е од домашно тесто, кое е рачно плетено по целото тело, а прелиено со моцарела, доматен сос и кулен.

Звучи, вкусно зар не? Но, дали е и носливо?

Џеси изработила преку 10-15 бикини, додека не успеала да создаде костим за капење од вистинска пица.

„Ова е најтешкото нешто на кое некогаш сум работела, во смисла да тоа навистина функционира.“ – вели Барден и додава: „Најтешкиот дел е што тестото за пица не се протега на ист начин како ткаенината, па тешко беше да се прилагоди на телото, а да не се распадне.“

„Oва е модел на бикини што дефинитивно може да го носите“, уверува Барден. „Пица е, така што ќе мирисате и чувствувате како ова јадење, но веројатно и не е баш најудобен.“

Цeната на костимот за капење е 10.000 долари, а на веганите им е оставена опцијата  да си одберат „пицакини“ со посебни нарачки.

Би облекле ли нешто вакво на плажа?!

М. А. | Црнобело