Бели чевли, светкави хулахопки: 10 ситници заради кои облеката ви изгледа евтино

Целосниот изглед кажува многу за човекот, па затоа е добро секогаш да се грижите за него.

Секој има свој стил и не треба да го менува, сѐ додека го негува, но без разлика каков тип на облека сакате, никој не сака таа да изгледа „евтино“.

За да бидете стилски облечени не мора да значи дека навистина треба да купувате скапи парчиња, бидејќи најчесто најважниот дел се малите ситници.

Ова се работите на кои треба да обрнете внимание ако не сакате вашата облека да изгледа евтино:

Претерано натрупани „шик“ детали

Светкавите декорации си бараат соодветна позадина во секој смисол – материјал, квалитет и целосна вклопеност. Кежуал или спортска облека со додатоци како  „кристали“ изгледа неприродно и како евтина копија.

Лажни брендирани додатоци

Никогаш не купувајте неоригинални „брендирани“ работи бидејќи никој нема да поверува во нив и сите ќе знаат дека се евтина копија. Одберете квалитетни производи кои не мора да имаат испишан бренд – ќе заштедите пари и ќе изгледате помодерно.

Неусогласени шари

Цветови, кругови и пруги – сѐ во една комбинација е неприфатливо. Никој не сака да гледа толку форми натрупани на едно место, па затоа комбинирајте една шара со нешто еднобојно, за секој детаљ да дојде до израз.

Бели штикли

Тоа што е дозволено кај патиките и еспадрилите, не важи и за другите чевли. А тоа е сјајната бела боја. Дури и невестите во последно време избегнуваат чисто бели чевли, а сепак изгледаат прекрасно. Најдобро е да носите нежни нијанси кои ќе се вклопат во секоја палета и ќе зрачат со елеганција.

Извадени конци и излитеност

Некои материјали си бараат висок квалитет, а тоа значи и дека се многу скапи па често им бараме замена. Добар пример за тоа е чипката која ако е поевтина, по неколку носења и перења ќе си го покаже своето „вистинско лице“.

Ако сепак сакате чипка, нека биде во вид на додаток на некое парче облека, а не целата облека да биде од чипка.

„Скап“ накит

Немојте да трупате премногу накит на вас одеднаш. Ако сакате да ставите златно ланче, не мора до него да наредите уште 4 други златни работи – тоа не значи дека вашиот изглед е скап, туку без стил.

Наместо тоа, ставајте малку наките, но квалитетен. Елегантни обетки и едноставен, но впечатлив часовник се многу подобра опција отколку да наредите неколку златни синџири на вас.

Неприкладна употреба на чевли

Штиклите се женствени и елегантни. Но само ако не мора да ја жртвувате удобноста заради нив. Едноставно тие не одговараат со секоја комбинација и за секоја пригода. Не се плашете од едноставноста. Ако одите на прошетка, логично е да облечете ниски и удобни, но стилски чевли.

Облека во која изгледате како преправени

Ако до пред одредено време сте носеле облека со големина „М“ не значи дека вечно ви одговара истиот број. Ова важи и за поголем и за помал број.

Ако фустанот ве стега или пак во него изгледате како да сте влегле во вреќа, логично е да не излезете така во јавност. Секогаш носете облека што ви е точна и ви одговара, едноставно е.

Нешто околу хулахопките

Кога се работи за квалитетот на хулахопките, исто така е потребна скромност. Хулахопките не треба да ѕиркаат од никаде, ниту од стапалата, а ниту над панталоните – едноставно е невкусно. Исто така, не мора да ги одберете најсјајните – не е природно нозете да ви светкаат. Нека бидат едноставни и не премногу впечатливи.

Долната облека „на мегдан“

Многу е лесно да направите градникот малку да ви ѕирка и да го привлечете вниманието на секој. Но, не е во тоа поентата, ако веќе сакате да бидете жена со стил. Долната облека не треба да се гледа и треба да биде ПОД облеката, не за џабе е „долна“.

М. М. | Црнобело