10 трикови со кои секоја жена ќе изгледа повитка за 2 минути

Не секогаш сме во совршена форма и тоа е сосема во ред, додека не се претера. Затоа, постојат мали трикчиња кои може визуелно да ве направат послаби, повисоки и попривлечни во туѓите очи.

Па, ако сте во ситуација кога сакате нозете да ви изгледаат подолго и струкот послабо, искористете некој од триковите во продолжение:

За нозете да ви изгледаат подолги, важно е да одберете чевли во боја на кожа. Избегнувајте чевли во темни бои, со ремчиња околу глуждовите.

Избегнувајте облека во помали и поголеми броеви од вашиот. Претесната и преширока облека подеднакво ги нагласуваат вашите „вишоци.“

Исправете го грбот. На овој начин струкот ќе ви изгледа автоматски потенок, без никакви трикови.

Научете да го контурирате лицето правилно. Основно правило: Сè што сакате да сокриете, покријте со потемен коректор, а на цртите кои ви се допаѓаат ставете хајлајтер.

Исончаната кожа ве прави секогаш повитки и вешто го сокрива целулитот.

Одбирајте материјали кои суптилно ги следат линиите на телото. Избегнувајте дебели материјали кои додаваат волумен, но и тенки припиени ткаенини кои се лепат за проблематичните делови.

Внимавајте и на ситниците - волуменозните марами околу вратот, ролките и високо закопчаните јаки додаваат килограми и ја прошируваат фигурата. Од друга страна пак, блузите со V или заоблен израз и лесно раскопчаната кошула ве прават визуелно послаби.

Не привлекувајте внимание на проблематичните делови од телото со принтови и материјали кои оцртуваат.

Консултирајте се со фризер за да ви предложи фризура која ќе ви го истакне вратот и деколтето, што ќе ве направи потенки и повисоки.

Носете соодветна долна облека која не ви ги оцртува вишоците, туку ги „прибира“ на свое место.

М. Д. | Црнобело