9 начини како секоја жена да изгледа привлечно, но не вулгарно

Понекогаш желбата да привлечат внимание ги тера жените да направат фатални грешки.

Па така, ако малку не внимавате, лесно може да ја преминете границата помеѓу пристојно и вулгарно.

9 начини како да го избегнете ефектот на вулгарно и невкусно:

1. Црвена боја

Црвената е бојата со која најлесно ќе привлечете внимание. Но, за да не изгледате невкусно и голо, одберете само еден дел од телото кој ќе биде откриен – пример, рамениците.

Исто така, кога одбирате да носите црвена боја, внимавајте да не ја носите на секое парче на вас – од фустан до штикли и аксесоари.

2. Ролка

Ролката е секси парче облека, доколку знаете да го носите. Бирајте темни бои и тенки материјали, но не проѕирни. Проѕирните ролки делуваат евтино.

3. Бела кошула

Белата кошула е моќно оружје на секоја деловна жена. Но, ако ја комбинирате со кратко здолниште и ја откопчете повеќе од потребното – постигнувате евтин ефект.

Комбинирајте ја со панталони, штикли и 1-2 откопчани копчиња, не повеќе.

4. Шари и материјали

Избегнувајте светки, по секоја цена. Истото важи и за набраните материјали.

Секогаш бирајте комплементарни бои, неутрални нијанси, елегантни материјали и отвори кои не се премногу провокативни.

Исто така, не ги комбинирајте голите фустани со високи чизми. Високите чизми секогаш подобро одговараат со плетени материјали.

5. Отворена блуза

Секогаш одберете разголени раменици, наместо длабоко деколте. На овој начин ќе изгледате многу поромантично и пристојно, а воедно нема да откриете повеќе од потребното.

6. Корсетот не е блуза

Корсетот оставете го за во спалната соба, а добра замена за него се популарните корсет-колани.

7. Асиметрична облека

Истото правило како и кај црвената боја – не откривајте премногу. Доколку решите да го откриете рамото, сокријте ги нозете. Никогаш не комбинирајте асиметрична облека со кратки здолништа или шорцеви.

8. Штикли

Штиклите се симбол за женственост и сексапил, но само ако се модерни и пристојни. Високата платформа асоцира на нешто сосема трето. Па уште ако додадете мрежести чорапи – заборавете на пристојноста.

9. Кратки блузи

За жал или за среќа, кратките блузички стекнаа светска слава во светот на модата. Но, вреди да го знаете строгото правило – кога веќе го откривате стомакот, носете висок струк и долен дел со должина над колениците.

И секако, не ги носете на работа. Кратките маички се добар избор за на плажа или лежерните кафе-прошетки со пријателите.

М. Д. | Црнобело