Искинати, везени или со крпеници - какви фармерки носите оваа сезона?

Фармерките, нашето омилено модно парче се повторно во центарот на вниманието кога станува збор за лежерен изглед. Вистинското прашање е дали некогаш воопшто излегле од модниот фокус?

Оваа сезона можеме да забележиме многу варијации на темата фармерки, но 3 типови дефинитивно се издвојуваат: искинатите фармерки, фармерките со везови и т.н. „кроени“ или „крпени“ фармерки.

Кој е вашиот омилен модел?

Искинати фармерки

Овој тип на фармерки веќе ни е премногу добро познат. Дефинитивно не станува збор за некој новитет, но сепак измената кај овој модел на фармерки главно се однесува на големината на дупките, односно разресувањата кои ги имаат во предниот дел.

Тие дефинитивно станаа поголеми и посмели, што можеби не е идеално за студената зимска сезона, но ретко кој се откажа од искинатите фармерки. Во комбинација со хулахопки со интересен принт или дезен, тие делуваат уште помоќно.

Серијата искинати фармерки ја продолжува својата победничка сезона:

Везени фармерки

Преовладуваат главно цветните дезени, иако поретко се среќаваат и некои други интересни везени детали. Италијанскиот бренд Гучи ја поплочи патеката за овој тип на фармерки со вез, кои сега смело чекорат по истата.

Може да изберете помеѓу суптилно извезени детали, крупно везени мотиви кои главно се лоцирани на предниот дел од фармерките. Но, некои модели изненадуваат со везови кои се кријат на задниот дел од ногавиците или пак задникот.

Везените детали околу џебовите се исто така прилично симпатичен детаљ:

Кроени фармерки од различен вид на тексас

Преку спојување на различни типови на тексас материјали го добивате победничкиот изглед за оваа сезона – т.н. patchwork фармерки, што најдобро би се превеле како „крпени“ или „кроени“ фармерки.

Тие си играат со контрастот светло-темно, како и насоката, односно хоризонтално-вертикална поставеност на материјалот.

Колку повеќе различни парчиња–толку повпечатлив изглед. Имате ли доволно храброст за кроените фармерки оваа сезона?

(О)Милена | Црнобело