Фармерки против целулит

Францускиот ланец Carrefour од оваа есен ќе продава постелнина која ќе поттикнува секс. Етерични масла и расни мирисни екстракти најчесто ја будат...

 

...страста во креветот, а се развиени во склоп на “козметотекстилна индустрија“ која, како што кажува и самото име, козметиката ја комбинира со текстил.

Тие на пазарот веќе се појавија со долна облека со мирис на ванила, фармерки кои го отстрануваат целулитот и спортски маици кои го ладат телото.

Пазарот расте, а потрошувачите се’ повеќе бараат антибактериска облека со алги, витамини, масла...

Меѓутоа, козметичките додатоци од здравствена перспектива се многу дискутабилни. Ситните честички т.н. нано сребро, може да се пробијат до телото и да предизвикаат се уште неразјаснети последици.

Спорно е и означувањето на самите производи на кои не пишува видливо и јасно дали содржат нано сребро, масло и други хемиски супстанци.

Една од најуспешните компании во козметотекстилната индустрија е француски Lytess кој од 2003-та година произведува исклучиво функционална облека, корсети и панталони кои ја “хранат“ кожата и помагаат во борба против целулитот и вишокот килограми.

Тие имаат слични состојки како антицелулитните креми, но нема потреба да се мачкате додека ги носите. По 6 недели носење, намалувате и до 6 милиметри (барем така тврдат производителите).

Лошата вест е дека по 10 перења во панталони останува само 1/3 од антицелулитната состојка.