Трикови со кои ќе направите облеката која не ви е точна да ви стои подобро

Колку пати се случило да се заљубите во некое парче облека, но да се разочарате кога ќе видите дека големината која останала не ви одговара?

Многумина се одлучуваат да го купат тоа парче и да го носат иако не им стои совршено, други пак, го купуваат со цел да ослабат (ако им е мало), трети да го однесат на поправка, а има и такви кои сами знаат да го приспособат.

Иако постојат многу трикови за „направи сам“ проекти со кои може да ја коригирате облеката, сепак повеќето сакаат некој полесен начин.

Најлесен пат за тоа е да се прикрие недостатокот, а во продолжение погледнете уште неколку трикови:

Практикувајте слоевито облекување и недостатоците покријте ги со друго парче облека

Користете ги коланите за подобро да ја истакнете половината, на пример со широки џемпери или туники

Ако панталоните или здолништето ви се широки, а немате колан при рака, ставете ја кошулата внатре за да не делувате со целосно проширен изглед

Пробувајте ја облеката пред да ја купите наместо да се потпирате на стандардна големина, која секаде е различна

Доколку не можете да најдете ништо со што ќе го поправите изгледот, однесете ја облеката на кројач за соодветно да ви стои

Високите штикли помагаат широките и долги панталони да стојат подобро, а не како торба

Ако сте со помала и ниска градба, наместо да купувате голема облека, купувајте во детски оддели

М. М. | Црнобело