Рок на траење на шминките

Шминката не е отпорна на време, а некои од козметичките производи се посебно погодни за размножување на бактериите. Ова се неколку совети...

 

...како да ја разликувате шминката која се уште е добра од онаа на која и поминал рокот на траење.

1. Маскара. Бара внимателно чување затоа што четката на патот од тубата до трепките редовно собира бактерии. Тие може да доведат до црвенило и чешање, а во најлош случај и до конјуктивит. Маскарата треба да се менува секои 2-3 месеци. Старата маскара добива мирис на бензин.

2. Коректор. Служи за да ја покриете „нечистотијата“, а не да создадете нова – што се случува ако му е поминат рокот.  Коректорот во облик на пудра може да трае и до 2 години, додека течните коректори се расипуваат за една година.

3. Пудри и руменила. Најдолговечна козметика со рок на траење до 2 години. Сепак, мора да бидете внимателни со пудрата каде значаен удел има водата од ботанички екстракти која е плодна површина за развој на бактерии. Ако погледнете на составот ќе препознаете дека содржи вакво нешто по долгиот латински назив и следниве состојки во заграда – екстракти од камилица, алое вера, бамбус и зелен чај. Важно е редовно да ја менувате четката за нанесување на шминка и да избегнувате контакт на пудрата и руменилото со вода.

4. Сенки. Тие се во постојан контакт со слузницата, и треба да се менуваат во просек на секои 3 месеци.

5. Моливчиња. Слично како и сенките и тие се нанесуваат на подрачје каде лесно може да соберат бактерии и да ги шират низ очите. Траењето е во просек до 1 месец, иако и по подолго користење нема да попримат видливи недостатоци.

6. Кармин. Не содржат вода, па, единствена опасност доаѓа од допирање бактерии околу усните. После некое време користење добиваат непријатен мирис заради „масните“ состојки. Карминот е расипан кога станува премногу тврд и кога бојата веќе не може да се нанесе рамномерно.

7. Четкички и други апликатори. Може да траат повеќе години ако се чистат исправно и ако се чуваат. После секоја употреба треба да се избришат со сув пешкир или хартија и да се исперат со шампон за коса на секои 2-3 недели.