7 највпечатливи филмски костими за капење: Култни парчиња кои се модерни и денес

Бонд девојки, спасувачки на плажа, Чарлиеви ангели... заедничко за сите нив е што во филмовите во кои се појавиле носеле костими за капење што се толку многу препознатливи, што го носат епитетот „култни филмски костими за капење“.

Кога ќе ја видите Урсула Андрес како излегува од море во крем бикини со нож врзан околу струкот, веднаш знаете дека станува збор за вистинска класика - костим за капење кој и денес е модерен.

Кои се останатите 6 најпознати филмски костими за капење на сите времиња?

Елизабет Тејлор, Suddenly, Last Summer (1959)

Во филмот Suddenly, Last Summer, легендарната актерка Елизабет Тејлор се појавува во бел едноделен костим за капење.

Овој едноставен избор совршено ја акцентира прекрасната фигура на актерката и нејзините облини.

Урсула Андрес, Dr. No (1962)

Урсула Андрес беше првата Бонд девојка, а се појави во филмот Dr. No, со Шон Конери.

Сите ја паметат сцената кога излегува од морето со нож врзан околу половината.

Ракел Велч, One Million Years B.C (1966)

Овој минималистички костим за капење поради својот стил е опишан како „шик од пештерата“.

Тој стана стана култен костим и поради тоа што го носеше Ракел Велч, една од најпопуларните актерки на својата генерација.

Хали Бери, Die Another Day (2002)

Во овој филм за тајниот агент Џејмс Бонд, преку бикиното на Хали Бери, продуцентите ѝ оддадоа почит на првата Бонд девојка, Урсула Андрес.

Но за разлика од неа, Бери носеше впечатливи портокалови бикини.

Камерон Дијаз, Charlie’s Angels 2 (2003)

Сите култни костими за капење се едноставни, а тоа го потврди и Камерон Дијаз со белите бикини во Charlie’s Angels 2.

Таа го покажа своето мускулесто тело во едноставен модел со „триаголници“, а со даска за сурфање, наместо коктел во рака, изгледа како вистинска модерна Афродита.

Џесика Алба, Into the Blue (2005)

Можеби не се сеќавате на филмот Into the Blue во кој се зборуваше за подводни богатства и пирати, но сигурно ја паметите Џесика Алба во бикини.

И повторно - едноставен модел со триаголници, каде што горниот и долниот дел од костимот за капење се во различна боја. 

Памела Андерсон, Baywatch (1995)

Иако продуцентите не планирале Памела Андресон да стане член на спасувачкиот тим во серијата Baywatch, нејзиниот изглед во црвениот костим за капење ја направи еден од најпрепознатливите ликови во серијата.

Ашера | Црнобело