Ланчиња со натписи и уште 7 видови накит кои не треба да ги купувате (и зошто)

Раскошните прстени украсени со многу камења тешко се комбинираат и изгледаат добро само со некој балски фустан. Па, подобро дајте им предност на минималистичките прстени со поедноставен дизајн.

Како што се менуваат трендовите за облека, се менуваат и трендовите за накит. А, штом некое парче накит е речиси невозможно да го вметнете во тренди комбинација, тогаш не вреди ни да го купувате.

8 видови накит за кои не треба да трошите пари:

Обетки со пердуви

Иако обетките со пердуви беа ултра популарни, сега многу поголем хит се големите впечатливи обетки со сребрена или златна боја.

Овие обетки лесно можат да ја трансформираат секоја ваша комбинација, па се подобар избор.

Големи ѓердани како јаки

Заборавете на огромните ѓердани со многу украси кои наликуваат на јаки.

Големите ѓердани повторно се хит, но со поедноставен дизајн.

Потемнето сребро

Потемнетото сребро кое му дава винтиџ изглед на накитот оди во заборав. Наместо тоа, девојките и жените преферираат „чист“ сребрен накит.

Класичен ѓердан од бисери

Денес многу попопуларни се ѓерданите со 1-2 бисерчиња или мал детаљ кој наликува на бисер.

Комплети

Најдобар избегнувајте да купувате комплети бидејќи никој не ги носи, но и нема да изгледате многу добро ако наеднаш носите прстен, нараквица, ѓердан и обетки.

Подобро сами купувајте посебни парчиња накит и комбинирајте по најмногу две – како ѓердан и обетки или прстен и обетки.

Нараквица со прстени

Денес овие нараквици изгледаат кич – многу подобар избор се одвоени прстени и ракавици со минималистички дизајн.

Ланчиња со натписи

Избегнувајте ги ланчињата со вашето име или некои бесмислени зборови.

Изминативе година-две многу попопуларни се ланчињата со логоа од брендот или украси со апстрактни форми.

Раскошни прстени

Денес многу повеќе се ценат минимализмот и едноставноста, па раскошните прстени украсени со безброј камчиња се далеку од популарни. Покрај тоа, навистина е тешко да ги комбинирате овие прстени и изгледаат добро само со некој балски фустан.

Од друга страна, минималистичките прстени или оние со малку украси е многу полесно да ги вметнете во секоја комбинација.

Спирова С. | Црнобело