10 модни парчиња кои може да ги носите во есен (наместо фармерки) за да изгледате стилски

Црните кожени панталони и плисираното здолниште се одлични за есенските денови - со што друго можете да ги замените фармерките оваа сезона?

Во есенските денови имаме помалку избор кога станува збор за облека и повеќето се потпираме на класичните фармерки.

Но, нема потреба да се ограничувате само на ова парче облека.

Постојат многу модели на здолништа и панталони кои се одлични за оваа сезона и ќе ги направат вашите комбинации впечатливи.

Што можете да носите наместо фармерки во есен?

Миди-здолниште од тексас

Тексас здолништата повторно стануваат хит и можете да ги комбинирате со скоро сите парчиња што би ги облекле со фармерки.

Овие здолништа изгледаат особено добро со чизми, што ги прави совршени за врнежливите денови.

Широки панталони со висок струк

Одличен модел за деловни комбинации.

Елегантните широки панталони изгледаат многу добро со обична кошула и сако, но можете да ги носите и со маички.

„Карго“ панталони

Широките панталони со џебови, познати како „карго“, се голем хит изминативе година-две.

Тие се удобни, изгледаат добро со патики, па се совршени за лежерни комбинации.

Тесно долго здолниште

Овие здолништа се лесни за комбинирање, а притоа им стојат добро на сите бидејќи ја издолжуваат фигурата.

Плисирано здолниште

Плисираните здолништа изгледаат мошне добро и со кошули, но и со џемпери.

Па, тие се совршено парче за лежерни и елегантни комбинации.

Притоа, можете да ги носите со патики и со штикли.

Продолжува на следната страница...