Мал рај на земјата - Тарава (Кирибати)

Тарава е мал атол кој се наоѓа на згаснат и еродиран подводен вулкан и е едно од најоддалечените места на земјината топка.

Ова е рајско место на кое туризмот е во зачеток, па е совршено за сите оние кои сакаат да побегнат од сè и да се одморат. Главен град е Баирики и се наоѓа јужно, каде што е сместено и мало одморалиште.

Сите островчиња се мали, ретко населени и се наоѓаат на мала надморска површина. Со тек на времето вулканот под површината на водата се повеќе еродира, па неколку од островчињата се потопени, а се претпоставува дека иста судбина ќе имаат уште неколку такви острови.

На врв на гребенот се наоѓаат прекрасни плажи и лагуни преградени со палми, кои одаваат чувство на спокој и мир. Единствени звуци кои ќе ги слушнете овде се оние на брановите кои удираат на брегот и криците од морските птици.

Гребените не овие острови изобилуваат со разновидни корали и рибен свет со живописни бои.

Идеално место за нуркање и опуштање.