Посетете го Крит и околните острови

Оние кои го одбрале Крит како дестинација за нивниот одмор, треба да имаат едно нешто на ум - не е возможно тој остров да се доживее целосно за само 10 дена. Затоа, ви препорачуваме да престојувате подолго време за да можете да ги посетите сите места и плажи што овој остров ги нуди.

Крит е еден од најубавите грчки острови со голема разновидност. Од напуштени плажи, до бујни шуми и рајски песочи долги плажи. Познат е по маслиновото масло и производството на вино, портокали и во последно време краставици и домати.

Долг е 260km и широк 12 до 60km, додека крајбрежјето е долго 1.050km. Се протега на 8.336km² и има 630.000 постојани жители. Хераклион е главниот град, а воедно и најпопуларно туристичко место.

Од Крит можете да го посетите островот Кос, кој е познат по своите долги песочни плажи. Директен превоз од Крит до овој остров не постои па затоа ќе морате да го организирате патот до таму преку островот Санторини или Пиреа.

До Миконос има секојдневни директни линии од април до октомври. Миконос е остров кој мора да се посети поради плажите и бројните културни и историски знаменитости.

Осторовот Парос е посебно убав и одговара за оние кои уживаат во пливањето и сончањето. На ова место многу често се одржуваат натпревари по сурфање, па токму затоа Парос преку лето е вистинска атракција. Покрај спортските активности таму можете да го посетите убавиот Визнатиски музеј како и црквата Панагија Екатантапилијан.

До Санторини исто така има секојдневни линии, што е голема позитивна страна бидејќи тој остров е во последно време многу популарен со голем број на ресторани, продавници, модерни атракции и одличен ноќен живот.