Нова авантура: Пливање со илјадници медузи

Езерото Медуза, кое се наоѓа во Република Палау, југоисточно од Филипините нуди единствено доживување за пливачите и нуркачите кои сакаат да го искусат пливањето меѓу илјадници медузи.

Познато е како едно од 70-те солени езера на овој остров на Јужниот Пацифик, кој некогаш бил споен со океанот, а сега се одделни самостојни езера.

Овие изолирани езера станале совршено место за медузи, со оглед на тоа што е преполно со алги, нивната омилена храна, а за нивниот развој придонел и фактот што во езерата не постојат нивни природни непријатели.

Иако медузите имаат пипки, тие се премали за да им наштетат на луѓето кои пливаат околу, а и не се отровни.

Капењето и пливањето во езерото е безбедно и дозволено, но за нуркањето мора да се бара посебна дозвола, за да се внимава и да се зачува езерскиот еко систем.

На длабочина од 15 до 20 метри се наоѓа и опасен слој од фосфор и нитрат од цветањето на алгите, поради кој нуркањето без стручна придружба и опрема е строго забрането и опасно.

Можеби досега најатрактивно беше пливањето со делфини, но големите авантуристи, дефинитивно имаат нов предизвик и ново задоволство.

• 
• 
• 
• 
• 
• 
• 
• 
•  

Погледнете го и видеото од оваа авантура: