Најубавиот спа центар се наоѓа во Калифорнија (фото)

Сè повеќе луѓе бараат место каде ќе може да избегаат од стресот, како мирните оази кои служат за регенерација духот и телото.

Одморот е значаен за здравото тело и смирениот дух. Токму затоа, ваквите места претставуваат главна туристичка атракција и се обрнува многу големо внимание за да се најде подобра понуда.

Едно од таквите места е Cal-a-Vie, оаза сместена во живописно место на 40 минути од Сан Диего.

Околина која особено потсетува на Прованса, ги освоила денешните сопственици на најубавиот спа центар кој го купиле уште во 1998 година на една добротворна аукција.

Џон Хевен се одлучил целосно да го промени својот живот и своите навики со помош на сопругата Тери, па почнал да создава место на кое луѓето ќе доаѓаат за да се чувствуваат подобро.

Резултатот на сето тоа се 32 вили и апартмани уредени во антички стил со антички мебел, а опремени со модерна технологија.

Зависно од желбите и потребите на гостите на располагање им се најразлични третмани за фитнес и разубавување во кои може и самите да учествуваат.

При доаѓањето на секој гостин го чека листа на активности за кои може да се пријави, вклучувајќи самостојни и групни тренинзи.

Тука може да се одбере од кардио вежби, па сè до јога и пилатес.

Во однос на третманите за убавина, може да се одберат најразлични третмани за секој дел од телото.

Посебно внимание се обрнува на менито во кое се наоѓаат само врвни органски состојки и производи.

Истакнуваат дека се нудат популарни диетални оброци, а се обрнува внимание и на сите специфичности на секој гостин одделно, доколку има посебни навики околу здравата исхрана.

Според местото, природата, околината, услугите и луксузот кој го нуди, ова е еден од најдобрите и најубавите спа центри во Калифорнија и пошироко.

• 
• 
• 
• 
• 
• 
• 
• 
• 
• 
• 
•