12 причини зошто да оставите сè и да одлетате до Милано

Познат како еден од најхаотичните, а сепак најпрекрасни градови во Италија, Милано нуди многу повеќе од било кој друг град - од највкусни италијански специјалитети, преку мали и тесни улички со посебен шарм, па сè до историски градби кои може да ги гледате со часови, денови, месеци...

Таму има од сè по нешто, за сечиј вкус, по сечија мерка... А, ако ви требаат дополнителни причини зошто да одлетате со првиот авион до Милано, ви нудиме 12:

1. Чувствувајте се како крал на светот од покривот на Дуомо. Нека не ве мрзи да искачите 150 скалила и да го истражите градот од поинаков агол.

2. Купете карта за балет во Teatro alla Scala. Таму уметноста има поинаква убавина.

3. Фотографирајте ја уличната уметност. Ќе налетате на најмалку стотина уникатно изгравирани тераси и цвеќиња кои претходно не сте ги виделе.

4. Не заборавајте да отидете на аперитиво. И секако да пробате чашка Негрони.

5. Неделното утро поминете го во близина на Navigli античкиот пазар. Атмосферата е неповторлива во било кој друг ден од неделата.

6. Ручајте рижото ала миланезе и парче особуко - парче месо подготвено на италијански начин во бело вино.

7. Влезете на стадионот Сан Сиро. Тука повеќе не е важно за кого навивате.

8. Откријте го вистинскиот вкус на панцеротите. Никако не си заминувајте без да го вкусите миксот на моцарела и домати.

9. Избегајте од реалноста во мирната улица Брера. Со голем број на ресторани и мини галерии, Брера ќе ве натера да заборавите на времето.

10. Вкусете го најслаткиот сладолед подготвен по италијански традиционален рецепт.

11. Прошетајте по Via Montenapoleone и via della Spiga. Не мора ништо да купувате, доволно е да го вдишете гламурот.

12. За крај, вратете се во 21-от век на плоштадот Gae Aulenti и уживајте во модерната страна на Милано.