Оваа пролет на листата на патување ставете ја Женева

Женева, еден од најскапите градови во Европа, со развиено чувство на култура и град со душа. Атмосферата која ја има во Женева нема да ја почувствувате во никој друг европски град. 

Ова е град во кој сите сакат да дојдат и никој не сака да си замине.

Но, високиот стандард на Женева ја прави да биде место, во кое многу мал процент на луѓе можат да си дозволат да живеат таму подолг период.

Лулка на богатите каде на секој чекор има луксузни продавници за часовници и дијаманти, а по улиците е највообичаено да гледате како се движат Ферари или Ламборџини автомобили.

Женева е дом на европската елита и многу светски организации.Тука се наоѓа и едно од седиштата на Обединетите нации. Познат е како град во кој живеат во мир, луѓе од секакви националности и раси.

Најпозната атракција во градот е Женевското езеро со кристално чиста вода. Околу езерото има многу луксузни хотели и вили. Целосната слика околу езерото граничи со фантазија. 

Постојат многу места во градот, хотели и ресторани каде може целосно да уживате во погледот и атмосферата...

Женева е вистинско модно седиште. Најексклузивните брендови за облека имаат по повеќе луксузни продавници. Овој град ќе ве вовлече во шопинг манија и убавите излози ќе ве примамат да потрошите многу повеќе, отколку што сте планирале.

Женева има богат ноќен живот. Има многу престижни дискотеки и клубови, каде може да сретнете и многу познати личности. А, кога не сте расположени за излегување, може вечерта да ја поминете и во многубројните продавници за швајцарско млечно чоколадо.

Слободните денови во Женева се поминуваат во шопинг, шетање покрај езерото, ручање во гламурозни ресторани каде само една чаша вино ќе ви ја зголеми сметката за преку 100 фунти и избор на беспрекорорен накит во познатата трговска улица.

Женева може да се пофали и со преубавиот замок кој се наоѓа на брегот на езерото. Замокот во текот на годините служел како инспирација на интелектуалци како Виктор Иго и Гистав Флобер.

Иако градот е привлечен за скијачите во зима, неговата убавина најубаво ќе ја доживеете во пролет. Има многубројни концерти на популарни артисти и кино под отворено небо, сето ова додека во близина го гледате зајдисонцето над езерото.

А. В. | Црнобело