Норилск - рускиот град каде денот е ноќ, а ноќта е ден (фото)

Норилск е руски град лоциран во областа Краснојарски крај, федерална покраина во Русија, каде административен центар е градот Краснојарск, третиот најголем град во Сибир.

Овој град е најсеверниот во Арктичкиот круг, со постојана популација од 175.000 жители, односно 220.000 заедно со привремените.

„Деновите на ноќ - ноќите на ден“ е фото-проект на фотографката Елена Чернишова, која добила финансии од фондацијата Лагардер за да направи фото-сторија токму во Норилск.

Во градот основни дејности се рударството и металургијата, а фабриките ги граделе затворениците од Гулаг – работнички затворски логор на СССР, од времето на Сталин, кој постоел и во ерата по него.

Општо познато е дека во овие логори биле затворени и ситни криминалци, но и политички и воени злосторници.

Поради концентрацијата на тешка индустрија, овој град, заедно со жителите, денеска е затворен за надворешни посетители. Сепак, се чини дека мештаните веќе сосема се прилагодиле на екстремната клима, еколошката катастрофа и изолацијата.

Норилск е седмиот најзагаден град во светот. Реките буквално се црвени поради испуштањето на отпадот од металопреработувачката индустрија. Просечната температура е -10 степени Целзиусови, а најниска измерена е -55 степени, во зима, кога цели осум недели во градот е ноќ.

Условите за живеење вооптшо не одговараат на просечните потреби дефинирани со човековите права, но овие луѓе сепак се адаптирале на состојбата.

Во градот има училишта, вонучилишни активности, научни истражувања, индустрија, редовен јавен превоз и активен ноќен живот.

Како сето тоа изгледа преку објективот на Чернишова, погледнете на фотографиите:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. У. | Црнобело