Запознајте се со скриените водопади во близина на Пехчево

Водопади и шумски патчиња како од некоја епска фантастика, вегетација и тишина што будат стравопочит и простор што не ти дозволува да се одвоиш од него. 

Ова се само мал дел од привидите на кои наидов во околина на градот Пехчево, откако пред недела-две бев на откривање на источниот дел на Македонија. Областа Малешевија отсекогаш била енигма за мене, посебно што крајот поседува флора и фауна карактеристична за овој дел на Македонија.

Многумина се запознаени со туристичката населба Равна Река, на неколку километри до Пехчево и токму таму се наоѓа најисточната точка на Македонија, позната како Ченгино Кале од каде извира реката Брегалница.

 

Keep close to nature's heart and break clear away, once in a while, and spend a week in the #woods. Wash your #spirit clean. Do you prefer a #mountain or sea vacation? ? @svidovski - - - - - #outside_project #iamtb #instatour #macedonia #истражијамакедонија #брегалничкислив #earthspirit #outplanetdaily #awakethesoul #welltraveled #theadventureproject #traillife #liveoutside #wilderness #intothewild #hitchhiking

A post shared by Evgenij Houp (@evgenij.houp) on Jun 9, 2018 at 9:40am PDT

Кога сме веќе во околината на Пехчево, мора да ги издвојам Пехчевските Водопади, кои затскриени од човековото око, допрва треба да се истражат од луѓето и да се остават во ист облик и форма како што биле претходно. Вакви водопади во оваа област ги има неколку, од кои едните се дел од реката Брегалница, а другите од Црн Дол, Љутачка Река и Спиковски Андак. 

 

I was standing in front of this #brigde from a different time, #wondering where it might lead me. Where do you think would it lead you? ?? - - - - #earthspirit #брегалничкислив #истражијамакедонија #instatour #intothewoods #hikingadventures #nomadlife #exploretocreate #outside_project #fromwhereistand #pnwonderland #awakethesoul #travelgram

A post shared by Evgenij Houp (@evgenij.houp) on Jun 13, 2018 at 10:30am PDT

Во текот на денот патот ме одведе до Црнодолски водопад. Од главниот пат до него се пешачи околу 400 метри по патека исполнета со дрвени мостови, летниковци и разгранети дрвја кои засенуваат. Патчето со исушени листови и растенија ме спроведе до водопадот, висок пет метри и навистина ми овозможи едно несекојдневно доживување.

Освен Црнодолски водопад, постојат уште неколку, меѓу кои: Спиковски водопад, Скокото, Водопад на Љутачка река и Ж'тачки водопад.

 

The smell and the felling of the #woods ? - - - - - #брегалничкислив #истражијамакедонија #instatour #intothewoods #way2ill #hikingadventures #nomadlife #exploretocreate #outside_project #fromwhereistand #pnwonderland #awakethesoul #earthspirit

A post shared by Evgenij Houp (@evgenij.houp) on Jun 11, 2018 at 10:04am PDT

На оддалеченост од 2 километри од Пехчево, во подножјето на Букови се наоѓа еден многу кул локалитет, именуван како Јудови ливади. Е токму тие тресишта и влажните ливади претставуваат дом на инсектојадо растение drosera rotundifolia. Искрено, не ни очекував да наидам на нешто слично, посебно не на наша територија. Нашки кажано муволовката има светлоцврвена боја и трепки со кои ги лови малите инсекти.  

Во случај ако не знаете каде да прошетате периодов, тогаш околината на Пехчево со сета нејзина природна убавина е предлог кој треба да се земе предвид.

Автор: Евгениј Хоуп | Црнобело