4 европски плажи кои е најдобро да ги посетите по летната сезона

Патувањата надвор од туристичката сезона носат многу поволности, покрај поевтините аранжмани и летови.

Иако времето на крајот на септември може да биде променливо, уживањето со помалку гужва и пониски цени во баровите и рестораните носат дополнително уживање.

Ова се четирите европски плажи кои годишно привлекуваат милиони туристи, а на крајот на сезоната блеснуваат во својата целосна убавина:

Балос на Крит

Балос се наоѓа на северозападниот дел на Крит, во близина на Ханија. Оваа плажа е многу популарна, а до нејзе се доаѓа со такси-пловила или со траекти од пристаништето Кисамос.

Покрај чистата вода, во овој период тука можете да видите и многу ендемични видови на животни и растенија.

Сината лагуна на Комино во Малта

Ова е една од најпопуларните локации во Малта, бидејќи се работи за скриено место помеѓу два острова, опкружено со карпи.

Во Малта топлото време останува и во септември и во октомври, а некогаш и потоа, па затоа може да се посети и во овој период.

Мондело на Сицилија

Се наоѓа во близина на Палермо, но и покрај тоа, нуди целосен контраст на градскиот живот. Некогаш Мондело била нерасчистена и полна со мочуришта, но потоа е уредена во вистински рај.

Во текот на сезоната има навистина премногу туристи, но при крајот на септември може целосно да се доживеат нејзините убавини.

Плажата Ниси на Аја Напа во Кипар

Островче кое во секој дел од годината нуди различни природни убавини. Преку лето, се работи за прекрасен залив со бел песок и плитка, но бистра вода. Преку зима и во пролет, при ниска плима, се отвора тајна патека до островот, која летните туристи не можат да ја видат.

Ова е одлично место за соло одмор, а богатата вегетација го прави совршено место за наоѓање на внатрешен мир.

Е. Д. | Црнобело