Викенд-предлози за оние кои сакаат да откријат нови места во Македонија
Спонзорирано од:
Спонзорирано од ОгласиЗаРабота.мк
PPC Specialist 19-08-2019
Возач 19-08-2019


Викенд-предлози за оние кои сакаат да откријат нови места во Македонија

Планини, села и напуштени места. Само што ќе помислам на ова, веднаш ми се менува расположението. Во тој момент имам порив да го спакувам ранецот, да си подготвам два-три сендвичи и со литар вода да посетувам нови места низ Македонија. 

vikend predlozi za site koi sakaat da otkrijat novi mesta vo makedonja 2

Ги има многу, а знаеме дека постојат уште огромен број за кои не сме свесни дека постојат. Е па во тој случај, најдобро ќе биде да се препуштиме и да ги истражиме.

Пешти или македонското Колорадо, како што другите го нарекуваат, се наоѓа во близина на Велес, поточно во клисурата на реката Бабуна.

Целиот предел е исполнет го голем број на пештери, од кои најголемиот дел од нив воопшто и не се достапни.

Она што мене најмногу ми остави впечаток е влегувањето во една од петте пештерски цркви. Конкретно, црквата Свети Никола, изградена пред 600 години, во која живееле монаси.

Баргала или древниот град во Македонија, стациониран во подножјето на Плачковица е вториот предлог од листата.

Иако локалитетот е подзаборавен, сепак во минатото играл голема улога. Прво служел како воен логор, за да на крај го претвориле во тврдина.

Од овој локалитет е истражено едвај една десетина, затоа нашите археолози се трудат да откријат што е можно повеќе делови од приказната за Баргала за да се добие појасна слика за нашите корени и предци.

View this post on Instagram

Баргала или древниот град во #македонија, кој се наоѓа во подножјето на Плачковица. Викендов го посетив овој подзаборавен локалитет, кој прво имал улога на римски воен логор, а потоа, поради местоположбата што ја заземал се преобразил во тврдина. До денес е истражен многу мал дел од некогашната Баргала, речиси една десетина, но сепак археолозите успеале да се дочепкаат до резервоарот за вода, базиликата, дел од градскиот бедем, инфраструктурата на градот и главната порта. Баргала допрва треба да истражи, овој град кој неколкупати бил ограбуван и разурнуван во своите рушевини крие еден куп приказни кои зборуваат за она што некогаш се случувало на овие простори. #истражијамакедонија #брегалничкислив #инстаграмџии #фотонаденот #фотонанеделата #instatour #instagraphy #instagraphytk #rebornphoto #gopro #goprophoto #goprophotography #goprouniverse #gopro5 #roadtrippin #exploretocreate #macedonia #awakethesoul #welltravelled #wanderout #adventureanywhere #vscomacedonia #vscobalkan #balkantrip #hikingtheglobe #map_of_europe

A post shared by Evgenij Houp (@evgenij.houp) on

Страцин се наоѓа на триесеттина километри од Куманово.

Село, кое отсекогаш било стратешка точка, и до ден-денес стојат противтенковски барикади, кои биле донесени одамна. Немојте да се изненадите, но можеби за миг ќе помислите дека сте во играта Call of Duty.

А, и тоа е самата убавина на местото, што може да ти ја одмота фантазијата и да те препушти на интересни доживувања. Посебно, ако се решиш да влезеш во подземната воена база, која со подземни тунели се простира под два рида.

Автор: Евгениј Хоуп | Црнобело

Би можело да ве интересира:

5 нови хотели во Грција со примамлив поглед на море Иако можеби не сте од оние кои во Грција се сместуваат во хотели, сигурно би пос...
Места низ светот каде може да уживате во пролетна глетка со расцутани ... Полиња со лалиња, рози и лаванди – има ли поубава глетка во пролет од оваа? П...
11 места во Србија што ретко кој ги видел, а не смеете да ги пропуштит... За да го посетите нашиот северен сосед Србија не ви е потребен ниту пасош, довол...