11 места во Србија што ретко кој ги видел, а не смеете да ги пропуштите
Спонзорирано од:
Спонзорирано од ОгласиЗаРабота.мк
Возач 29-03-2020
ВОЗАЧИ 27-03-2020


11 места во Србија што ретко кој ги видел, а не смеете да ги пропуштите

За да го посетите нашиот северен сосед Србија не ви е потребен ниту пасош, доволна ви е само личната карта. Многумина се одлучуваат за престолнината Белград, за Нови Сад, Ниш… но, ретко кој ги посетил овие 11 локации коишто ги издвоивме за најголемите авантуристи и за оние што сакаат да видат нешто поразлично.

11-mesta-vo-Srbija-01.jpg

Кое се најинтересните и помалку познати места во Србија што би можеле да ги посетите?

1. Археолошкиот локалитет Бело брдо, Винча

Се наоѓа на околу 15 km од Белград во истоименото село на десниот брег на Дунав. Локалитетот е налик на ниско ритче, а го сочинуваат девет слоеви со остатоци од различни периоди.

Досега се истражени само околу 4% од површината на населбата, а значајно е по тоа што пронајдени се остатоци од неолитска населба од периодот околу 5000 години п.н.е.

11-mesta-vo-Srbija (1).jpg

2. Античката палата Felix Romuliana

Станува збор за некогашната резиденција на римскиот цар Гај Валериј, Галеријата Максимилијан (293 – 311 н.е.)

Величествената палата била резиденција на римскиот император Гај Максимилијан којшто се истакнал како способен војник и добил титула цезар од римскиот цар Диоклецијан, а подоцна и се оженил со неговата ќерка Валерија.

Гај станал поглавар на Римската империја во 306 г., а починал во 313 г. во близина на Софија. На локалитетот Магвра најдени се и две гробници, хумки, на коишто биле спалени императорот и неговата мајка, според тогашните верувања за задгробниот живот.

Денес може да се видат остатоците од некогашната палата со нејзините извонредни мозаици, статуата на императорот Максимилијан, храмот посветен на Јупитер и Херкул и јавните бањи.

11-mesta-vo-Srbija (4).jpg

3. Природниот резерват Увац

На југозападот на Србија, на територијата на општините Сјеница и Нова Варош, се наоѓа резерватот Увац, заштитен од 1971 година.

Една од поубавите глетки се мандрите на реката Увац, коишто можат да се видат од многубројните видиковци низ околните села. Овој резерват е природно живеалиште на белоглавите орли во Србија и ако имате многу среќа можеби и ќе ги видите овие неверојатни птици чиј распон на крилјата достигнува и до три метри.

Покрај повеќето мали пештери во коишто се кријат овие орли, резерватот има и неколку големи пештери од кои најголемата сè уште не е доволно истражена, а е долга 2,5 km.

11-mesta-vo-Srbija (10).jpg

4. Водопадот Прскало

Овој водопад се наоѓа покрај патот којшто води од Ресавица кон Честобродица (источно од Параќин).

Висок е 15 метри, многу е сиромашен со вода, дури и напролет кога има многу вода, но сепак никогаш не пресушува. Интересно е дека изворот на овој водопад се наоѓа на само седумдесетина метри над водопадот.

11-mesta-vo-Srbija (7).jpg

5. Семетешко Езеро

Езерото се наоѓа на Копаоник, а интересно е по тоа што во него има острови кои пловат. Езерото е 60 метри во пречник, а најголемото пловно островче е долго околу 15 метри и обраснато со растенија, па дури и неколку високи стебла. Островите се движат додека дува ветар, а посетителите можат и самите да ги „возат“.

Точната длабочина на ова езеро не може да се измери, бидејќи изворите се толку широки и длабоки што се дел од езерото.

11-mesta-vo-Srbija (8).jpg

Уште 6 места на следната страна...



Би можело да ве интересира:

4 европски плажи кои е најдобро да ги посетите по летната сезона Патувањата надвор од туристичката сезона носат многу поволности, покрај поевтини...
Би посетиле некое од најнеобичните езера во светот? Одморот на езеро за многу луѓе буди убави спомени, за куќичка на брегот, мирна в...
Неколку причини за уште повеќе да го сакате морето Морскиот воздух и водата се навистина лек за душата и нема ништо подобро од тоа ...

Спонзорирани линкови: