Напуштени градови ширум светот кои вреди да се посетат барем еднаш

Иако познатите туристички места се популарни со причина, напуштените градови и села кои не привлекуваат многу внимание имаат некој посебен шарм.

На некој начин, тие ни овозможуваат да прошетаме низ минатото и од прва рака да сведочиме за животот на некогашните жители.

Овие места секогаш имаат и приказна која нема да ве остави рамнодушни, без разлика дали е трагична или со среќен крај.

Можеби уште не е време за патување, но ако сакате напуштени места, после пандемијата сигурно ќе сакате да ги видите овие „градови на духови“:

Плимут, Монсерат

Кога еруптирал вулканот Soufriere Hills на островот Монсерат во 1995-та, веднаш станало јасно дека градот Плимут е во опасност. Жителите биле евакуирани, но после неколку месеци можеле да се вратат во нивните домови. За жал, во 1997-ма вулканот еруптирал уште еднаш, па дури и одзел 19 човечки животи. Тогаш, сите 4.000 жители засекогаш го напуштиле градот.

Денес можете да го посетите Плимут, но бидејќи вулканот е уште активен, неретко посетите се одложуваат. Во овие случаи, туристите имаат можност да пловат со брод околу островот.

Колманскоп, Намибија

Во минатото, Колманскоп бил навистина жив град. Во 1908-ма, во областа на градот бил пронајден дијамант, па за кратко тој станал навистина популарен. Но, штом се потрошиле дијамантите, бројот на жители почнал да се намалува, сè додека не останал празен.

Денес градот е проголтан од пустината и повеќето градби се полни со песок. Градот е достапен за туристи, но најверојатно ќе ви треба дозвола за да влезете во него.

Боди, Калифорнија

Кон крајот на 1800-тите, Боди бил доста богат град, најмногу поради Златната треска.

Боди се претворил во град на духови во 1942-ра, откако била затворена и последната пошта во него. На почетокот на 1960-тите, Калифорнија го претворила градот во историски парк наменет за туристи.

Продолжува на следната страница...