Напуштени градови ширум светот кои вреди да се посетат барем еднаш

Островот Хашима, Јапонија

Хашима се наоѓа на околу 15 километри од Нагасаки и бил најпознат по рудниците за јаглен.

Во напуштените бетонски згради некогаш живееле околу 5.000 рудари, но кога Јапонија почнала да го користи бензинот како примарно гориво, островот бил напуштен. Ова се случило во средината на 1970-тите.

Денес не можете сами да го посетите островот, но лесно ќе најдете групна тура.

Глениро, Њу Мексико/Тексас

Во минатото, Глениро било најпопуларното место за точење гориво на границата на Њу Мексико и Тексас. Причината за ова бил тогаш новиот автопат - Route 66. Но, кога бил завршен автопатот Interstate 40, кој го одминува градот, Глениро почнал да се претвора во град на духови.

Ова е едно од поинтересните напуштени гратчиња во Америка и е одлична локација за секакви фотосесии.

Орадур сир Глан, Франција

Ова гратче, односно село, ја има најтрагичната приказна на листава.

Селото е сместено во западниот дел на Франција и за време на Втората светска војна, на 10-ти јуни 1944-та, германските војници масакрирале 642 жители, помеѓу кои имало и деца. Селото било уништено, а во непосредна близина било изградено ново. Властите одлучиле да ги зачуваат урнатините од старото село како спомен за ужасната трагедија.

Спирова С. | Црнобело