Aктивен одмор: Србија – позната дестинација, ново искуство


Aктивен одмор: Србија – позната дестинација, ново искуство

Вљубеник сте во природата и непрегледните пространства на недопрената природа се амбиентот во кој го замислувате својот идеален одмор?

aktiven-odmor-srbija-poznata-destinacija-novo-iskustvo-001.jpgOksana Skendzic - Uvac /  Via Ferrata Berim - Kosi most - Outdoor In

Во светот има толку места кои нудат поглед кој Ве остава без здив, и зошто на врвот на својата листа со желби за посети не би ги ставиле оние кои Ви се блиску?

Ви ги препорачуваме 6-те најубави видиковци на Србија кои можете да ги посетите ова лето:

Бањска стена – Taра Национален парк

До еден од најпознатите и најубави видиковци во Србија водат две обележани пешачки патеки и пат од макадам. Пријатната прошетка по шумската патека ќе Ве доведе до ридот и видиковецот, кој се наоѓа на 1.065 м.н.в, и од кој се нуди незаборавен поглед на езерото Перуќац, кањонот на реката Дрина.

aktiven-odmor-srbija-poznata-destinacija-novo-iskustvo-02.jpgMilos Milenkovic - Bobija

Moлитвa – Увац

Патеката за пешаци до уредениот видиковец со дрвена платформа води низ карпести предели. Од видиковецот се протега поглед на Специјалниот природен резерват Увац и Увачкото Езеро со надалеку познатите меандри. Самиот врв Молитва е на височина од 1.247 м.н.в. Карпите на кањонот на реката Увац се природно живеалиште на белоглавиот суп.

 aktiven-odmor-srbija-poznata-destinacija-novo-iskustvo-03.jpgOksana Skendzic - Uvac

Каблар - Овчарско кабларска клисура

До врвот на планината Каблар водат 5 планинарски патеки, кратките и потешките водат низ карпите, a подолгите водат низ питомите бочни рабови на планината. Видиковецот Каблар остава посебен впечаток затоа што од него се гледаат менадрите на Западна Морава која минува низ усправните планини, контурите на околните планини во далечината и градот Чачак.

aktiven-odmor-srbija-poznata-destinacija-novo-iskustvo-04.jpg
Dragan Bosnic - Ovcar - Kablar

Козји камен - Стара Планина

Козји камен е видиковец во југоисточна Србија и се наоѓа на 1.181 м.н.в. директно над Завојско Езеро. Погледот се протега на целото езеро, како и на меандрите на Височица на местото каде се влева во езерото. Во далечина, над езерото се гледаат врвовите Бабин зуб и Миџор, највисокиот врв на Стара Планина.

aktiven-odmor-srbija-poznata-destinacija-novo-iskustvo-05.JPGOksana Skendzic - Stara Planina Tupavica

Плоча – Ѓердап Национален парк

До Плоча води пешачка патека долга околу 3,5 km. Од видиковецот на надморска височина од 355 м, се протега единствениот поглед на Дунав и Казанските вирови. Покрај главниот видиковец, со прошетка по шумска патека може да се дојде до уште два видиковци.

aktiven-odmor-srbija-poznata-destinacija-novo-iskustvo-06.jpgOksana Skendzic - Djerdap - Ploce

Шиљак – врв на Ртањ

Ртањ е планина која се наоѓа во Источна Србија. Највисоката точка на Ртањ е врвот Шиљак на 1.561 м.н.в. дo кој може да се дојде преку обележаните патеки од различни страни.

aktiven-odmor-srbija-poznata-destinacija-novo-iskustvo-07.JPG
Branko Rabicevic - Rtanj, vrh Siljak

Доколку сте во потрага по вистинска авантура и возбудување кои ги овозможуваат екстремните спортови Ви ги препорачуваме атрактивните ферати (тнр. via ferrata „челичен пат“) траси во Србија. Почувствувајте го адреналинот на врвот на карпата со максимална безбедност.

aktiven-odmor-srbija-poznata-destinacija-novo-iskustvo-10.jpegVia Ferrata Berim - Kosi most - Outdoor In

Горњак - Горњачка клисура- Петровац на Млави

Од Белград се пристигнува после еден и пол час возење. Просечното време на искачување е три часа. Via ferrata Горњак е тешка и претставува физички предизвик, со подолги експонирани делови.

Планина Каблар - Овчарско кабларска клисура

Oваа ферата во Србија води до пештерата Турчиновац. Висока 45 m, кривулеста е, а вкупната должина и изнесува 60 м. До дестинацијата се искачува со обезбедени скали, со задолжителна дополнителна опрема – јаже, кацига и појас, како и во придружба на обучени водичи.

aktiven-odmor-srbija-poznata-destinacija-novo-iskustvo-11.jpgSasa Preradovic - Ovcarsko - kablarska

Берим - езеро Газиводе Зубин Поток

Фератата се наоѓа на карпите на Берим на планината Мокра Гора. Од Зубин Поток оддалечена е 25 km. Ова е најдолга и најтешка ферата во Србија, започнува од логистичкиот камп со планинска патека и се состои од неколку делови.

aktiven-odmor-srbija-poznata-destinacija-novo-iskustvo-09.JPGGazivode

Ова лето изберете авантура во Србија!

За повеќе информации посетете ја веб страната: www.serbia.travel 

aktiven-odmor-srbija-poznata-destinacija-novo-iskustvo-12.jpg

aktiven-odmor-srbija-poznata-destinacija-novo-iskustvo-13.jpg

Би можело да ве интересира:

И во Србија постои розово езеро (фото) Оваа не е ниту Мексико, ниту Сенегал... Многу блиску до Македонија постои розово...
Низ фотки: 20 причини да го посетите Златибор во зима Златибор важи за едно од најбајковитите места во Србија, кое има многу што да по...
11 места во Србија што ретко кој ги видел, а не смеете да ги пропуштите За да го посетите нашиот северен сосед Србија не ви е потребен ниту пасош, довол...

Најчитани неделава

sonovnik-sidebar.jpg