Плажата Сејшели на грчкиот остров Икарија – мами со недопрената убавина и изолираноста
Плажата Сејшели на грчкиот остров Икарија мами со својата недопрена убавина. Taa е позната и како „Јамајка на Егејското море“, а поради изолираноста не е преполнета со туристи.
Оваа камчеста плажа е лоцирана во мало живописно местенце, полна со интересни камени формации, а специфичната боја на морето ја нема на ниедно друго место.
Дополнително, таа е идеално место за сите оние што бегаат од гужви и од метеж и сакаат да уживаат во мир и тишина кога се на одмор.
Убавините на островот Икарија најдоа свое место и во најновото издание на светски познатиот весник Wanderlust.
Во посебна репортажа за помалку познатите грчки острови во Егејското Море, весникот отстапи место и на грчкиот остров Икарија и плажата Сејшели што се наоѓа во јужниот дел на островот.
За да стасате до јужниот дел на островот Икарија и до главниот град Агиос Киркос потребно е да патувате околу 3 часа на траект од Карловаси на островот Самос.
По ова станува јасно зошто овој дел од островот е помалку атрактивен за туристите, за разлика од северниот дел на островот до каде се патува околу 1 час и 15 минути и каде се сместени најголемиот дел хотели.
Преубавата плажа Сејшели се наоѓа во јужниот дел од островот, што поретко е посетуван од гости.
Инаку, островот Икарија се смета дека го крие клучот за долговечноста, затоа што дури 1/3 од населението на островот доживува возраст над 90 години.
Како за повеќето места во Грција, така и за овој остров се врзуваат низа легенди, па така се смета дека островот е местото каде што митскиот Икар паднал и се удавил во морето, а локалното население точно знае да го покаже и местото каде се случило тоа.
Освен природните убавини плажата Сејшели е посебна и по тоа што поради тешката пристапност не е туристичка атракција.
Плажата се наоѓа во непосредна близина на селото Ксилостритис, а мами воздишки со тиркизно сината вода, гранитните карпести формации. Но, за да стасате дотаму од Ксилостритис потребно е да поминете стрмен пат преку планинскиот предел.
https://www.instagram.com/p/COdRG_nhjO4/?utm_source=ig_web_copy_link
До плажата можете да стигнете и преку селото Манганитис. Пристапот до плажата е преку патче кое започнува на главниот пат и кое се протега по речното корито. Некогаш дури е возможно да земете такси бротче од пристаништето во Манганитис.
Б. С. Б. | Црнобело
Би можело да ве интересира:
Препорачуваме
Најчитани неделава
